మొన్నీమధ్య వచ్చిన ‘లెనిన్’ (Lenin) సినిమా టీజర్‌లో అఖిల్ (Akhil) – శ్రీలీల (Sreeleela) జోడీని చూసి ‘భలే ఉంది కపుల్‌’ అని అనుకున్నారా? అయితే ఎవరి దృష్టి తగిలిందో ఏమో ఆ జోడీ విడిపోయింది. ఆ సినిమా నుండి శ్రీలీల (Sreeleela) తప్పుకుంది. ఈ విషయం పాతదే.. మీకు కూడా తెలిసి ఉండొచ్చు. ఇప్పుడు అందిస్తున్న తాజా సమాచారం ఆ సినిమాలోకి కొత్త హీరోయిన్‌ అడుగుపెట్టింది. అవును అఖిల్ సరసన నటించబోయే హీరోయిన్‌ను టీమ్‌ ఫైనలైజ్‌ చేసింది అని అంటున్నారు.
‘ఏజెంట్’ (Agent) సినిమా తర్వాత అఖిల్ (Akhil) దాదాపు రెండేళ్లు గ్యాప్ తీసుకుని ‘లెనిన్’ (Lenin) సినిమా చేస్తున్నాడు. ఈ సినిమా విషయంలో చాలా రకాల పుకార్లు వచ్చినా ఫైనల్‌గా సినిమాను ఇటీవల టీజర్‌ వీడియోతో అనౌన్స్‌ చేశారు. ‘వినరో భాగ్యము విష్ణుకథ’ ఫేమ్‌ మురళీ కిషోర్ అబ్బూరు దర్శకత్వంలో ఈ సినిమా రూపొందుతోంది. సినిమా వర్గాల సమాచారం ప్రకారం తిరుపతి బ్యాక్ డ్రాప్‌లో సాగే ఫ్యామిలీ స్టోరీతో ఈ సినిమా తెరకెక్కుతోంది. పరువు హత్య చుట్టూ ఈ కథ తిరగనుంది అని కూడా సమాచారం.
సినిమా టీజర్‌లో కూడా శ్రీలీల (Sreeleela) ను చూడొచ్చు. అయితే ఏమైందో ఏమో సినిమా నుండి ఆమె తప్పుకుంది. దీంతో ఆ ప్లేస్‌లోకి భాగ్యశ్రీ భోర్సే (Bhagyashri Borse) ను తీసుకొచ్చింది టీమ్‌. ఆమె రాక దాదాపు ఖాయం అని చెబుతున్నారు. త్వరలోనే వెల్‌కమ్‌ పోస్టర్‌ కూడా రిలీజ్ అవుతుంది అని చెబుతున్నారు. అఖిల్ – శ్రీలీల కాంబోను చూసి మెచ్చుకున్న ప్రేక్షకులు ఇప్పుడు ఏమంటారో చూడాలి.
ఇక భాగ్యశ్రీ చేతిలో మూడు సినిమాలు ఉన్నాయి. విజయ్‌ దేవరకొండ (Vijay Deverakonda) ‘కింగ్డమ్’ (Kingdom) విడుదలకు రెడీ అవుతూనే ఉంది. వచ్చే నెలాఖరులో రావొచ్చని భోగట్టా. ఇది కాకుండా రామ్‌ (Ram) ‘ఆంధ్రా కింగ్‌ తాలూకా’ సినిమా చిత్రీకరణ తుది దశలో ఉంది అని సమాచారం. అలాగే రానా – దుల్కర్‌ సల్మాన్‌ సినిమా ‘కాంత’లోనూ భాగ్యశ్రీనే కథానాయిక. ఇప్పుడు ‘లెనిన్’ నాలుగో సినిమా అవుతుంది. ‘మిస్టర్‌ బచ్చన్‌’ (Mr. Bachchan) ఫ్లాప్‌ అయినా ఆమె లైనప్ పెరుగుతూనే ఉంది.
Home