ప్రతిష్టాత్మకంగా తెరెక్కుతున్న మహేష్ బాబు 25వ చిత్రం ‘మహర్షి’ ఏప్రిల్ లో విడుదల కాబోతుంది. వంశీ పైడిపల్లి డైరెక్షన్లో తెరకెక్కుతున్న ఈ చిత్రాన్ని దిల్ రాజు, అశ్వినీదత్, ప్రసాద్.వి.పొట్లూరి కలిసి భారీ బడ్జెట్ తో నిర్మిస్తున్నారు. మహేష్ బాబు సిల్వర్ జూబ్లీ మూవీ కావడంతో ఈ చిత్రం పై అంచనాలు బానే ఉన్నాయి. మార్చి మొదటి వారానికి ఈ చిత్ర షూటింగ్ పూర్తవుతుందట. ఇక ఆ వెంటనే తన 26 వ చిత్రాన్ని సుకుమార్ డైరెక్షన్లో మొదలు పెట్టడానికి మహేష్ రెడీ అవుతున్నట్టు తెలుస్తుంది.
‘మైత్రి మూవీ మేకర్స్’ నిర్మిస్తున్న ఈ చిత్రానికి సంబందించిన ప్రీ ప్రొడక్షన్ పనులు చక – చకా జరిగిపోతున్నాయని తెలుస్తుంది. ఈ నేపథ్యంలోనే అనిల్ రావిపూడితో కూడా ఓ చిత్రాన్ని చేయడానికి మహేష్ రెడీ అవుతున్నాడట. ఇటీవల అనిల్ రావిపూడి… మహేష్ ను కలిసి కథను వినిపించడం .. దేనికి మహేష్ కూడా ఓకే చెప్పేయడం జరిగిపోయాయని టాక్ వినిపిస్తుంది. మహేష్ బాబు సొంత బ్యానర్లో ఈ చిత్రాన్ని నిర్మించబోతున్నట్టు తెలుస్తుంది. దీనికి అనిల్ సుంకర నిర్మాణ భాగస్వామిగా కూడా వ్యవహరించబోతున్నాడట. మహేష్ బాబు కి ’14 రీల్స్’ సంస్థతో ఓ చిత్రం చేయాల్సి ఉండడంతో.. అనిల్ కి అవకాశం ఇచ్చాడట మహేష్…! ఏదేమైనా ‘ఎఫ్2’ చిత్రంతో బ్లాక్ బస్టర్ కొట్టిన అనిల్ రావిపూడి .. మరో బంపర్ ఆఫర్ కొట్టేశాడని ఫిలింనగర్ విశ్లేషకుల సమాచారం.
