మొన్నటి వరకు డైరక్టర్ బాబీని చూసి అన్ లక్కీ డైరెక్టర్ అన్నవారంతా… ఇప్పుడు లక్కీ డైరెక్టెర్ అంటున్నారు. అందుకు కారణం లేకపోలేదు. పవర్ సినిమాతో సూపర్ హిట్ అందుకున్న బాబీ .. పవన్ కళ్యాణ్ ని డైరక్ట్ చేసే ఛాన్స్ కొట్టేశారు. వీరి కాంబినేషన్లో వచ్చిన సర్ధార్ గబ్బర్ సింగ్ ఫెయిల్ అయింది. తర్వాత ఎన్టీఆర్ తో జై లవకుశ చేసి తానేమిటో నిరూపించుకున్నారు. అయినా బాబీ అదృష్టం మారలేదు. అతనితో సినిమాలు చేయడానికి ఏ హీరో ఉత్సాహం చూపించలేదు. దీంతో అతన్ని అన్ లక్కీ డైరెక్టర్ అన్నారు. ఇప్పుడు మల్టీ స్టారర్ సినిమా ఛాన్స్ అందుకొని లక్కీ డైరెక్టెర్ అయిపోయారు. నాగ చైతన్య, వెంకటేష్ కాంబినేషన్ లో కళ్యాణ్ కృష్ణ ఒక సినిమాను చేయాలనుకున్నారు. అంతా ఫిక్స్ అయిపోయింది.
కానీ కొన్ని కారణాల వల్ల ఆ ప్రాజక్ట్ బాబీ చేతికి వచ్చినట్లు సమాచారం. ప్రస్తుతం నాగచైతన్య చందు మొండేటి దర్శకత్వంలో సవ్యసాచి సినిమా చేస్తున్నారు. దీని తర్వాతి సినిమాని కూడా చైతూ మొదలెట్టేసారు. మారుతీ దర్శకత్వంలో “శైల‌జా రెడ్డి అల్లుడు” సినిమా షూటింగ్ లో బిజీగా ఉన్నారు. అలాగే వెంకటేష్ తేజ తో ఒక సినిమా చేయనున్నారు. ఆ సినిమాల తర్వాత ఇద్దరూ బాబీ దర్శకత్వంలో నటించనున్నారు.
