అదేంటో కానీ.. సినిమాలో సాయిపల్లవి (Sai Pallavi) నటిస్తోంది అంటే చాలు ఆమెను ఆకాశానికెత్తేస్తుంటారు మన దర్శకులు. అలా అని ఆమె కష్టపడదు అని కాదు కానీ.. ఎందుకని అంతలా ఆమె దర్శకుల మనసుల్ని గెలుచుకుంటోంది. మిగిలిన హీరోయిన్లకు ఆమె తేడా ఏంటి? ఒక్కోసారి ఆమె హీరోల కంటే ఎక్కువగా వార్తల్లో నిలుస్తోంది. ఈ ప్రశ్నలకు ఆన్సర్‌లు తెలియకుండా ఆలోచిస్తున్న సమయంలో దర్శకుడు చందు మొండేటి (Chandoo Mondeti) కూడా సాయిపల్లవిని మెచ్చుకునే బ్యాచులో చేరిపోయారు.
నాగచైతన్య (Naga Chaitanya) – సాయిపల్లవి కాంబినేషన్లో చందు మొండేటి తెరకెక్కించిన చిత్రం ‘తండేల్‌’ (Thandel). ఫిబ్రవరి 7న ఈ సినిమా ప్రేక్షకుల ముందుకు రానుంది. ఈ నేపథ్యంలో సినిమా ప్రచారాన్ని వేగవంతం చేశారు. అలా చందు మొండేటి వరుస ఇంటర్వ్యూలు ఇస్తూ వస్తున్నారు. ఈ క్రమంలోనే సాయిపల్లవి గురించి తెగ పొగిడేశారు. ఒక్క మాటలలో చెప్పాలంటే ఆమెను ఆకాశానికెత్తేస్తున్నారు అని చెప్పాలి. అయితే సాయి పల్లవి హార్డ్ వర్క్, డెడికేషన్ గురించి తెలిసినవాళ్లు ఆయన చెప్పింది నిజమే కదా అని అంటారు.
సముద్రం మధ్యలో షూటింగ్ అంటే కాస్ట్‌ అండ్‌ క్రూలో చాలామంది భయపడ్డారని, కానీ సాయి పల్లవి స్విమ్మింగ్ రాకపోయినా ఎక్కడా భయపడలేదని.. వచ్చి అలా ఈజీగా నటించేసి వెళ్లిపోయేదని చెప్పారాయన. ఆమెకు అసిస్టెంట్లు ఉండరని, చలా సింపుల్‌గా సన్‌స్క్రీన్‌ లోషన్‌ రాసుకొని ఎండలో నిలబడి సీన్స్‌ చేసేసేది అని పొగిడేశారు చందు మొండేటి. స్కిన్‌ టాన్‌ అవుతున్నా ఎప్పుడూ ఆమె పట్టించుకోలేదు అని కూడా చెప్పారాయన.
అక్కడితో ఆయన ఆగకుండా తానొక స్టార్ హీరోయిన్ అనే గుర్తింపు ఉండాలని సాయిపల్లవి ఎప్పుడూ అనుకోలేదని.. స్వామి వివేకానంద, రమణ మహర్షి టైపులో ఎంతో సింపుల్‌గా ఉంటుందని చందూ మొండేటి చెప్పుకొచ్చారు. మరీ ఆ ఇద్దరు మహానుభావులతో పోల్చేయడం కొంత విమర్శలు ఎదుర్కొంటున్నారు దర్శకుడు. కానీ ఆయన మాత్రం పొగుడుతూనే ఉన్నారు. మరి ఆమె కష్టమేంటో, ఈయన చెప్పిన విధమేంటో తెలియాలంటే మరో వారం ఆగాల్సిందే.
