యంగ్ టైగర్ జూనియర్ ఎన్టీఆర్ (Jr NTR) తో ఒక్క సినిమా అయినా చేయాలని కోరుకునే టాలెంటెడ్ డైరెక్టర్లు పదుల సంఖ్యలో ఉంటారు. తాజాగా ఆ డైరెక్టర్ల జాబితాలో చందూ మొండేటి (Chandoo Mondeti) నిలిచారు. జూనియర్ ఎన్టీఆర్ తో పీరియాడిక్ యాక్షన్ సినిమాను తెరకెక్కించాలని ప్లాన్ చేస్తున్నానని ఆయన తెలిపారు. కార్తికేయ2 (Karthikeya 2) సినిమాతో పాన్ ఇండియా హిట్ సాధించిన ఈ దర్శకుడు తారక్ గురించి ఆసక్తికర వ్యాఖ్యలు చేశారు. జూనియర్ ఎన్టీఆర్ తో సినిమా చేయాలనే ఆలోచనతో ఇప్పటికే అద్భుతమైన కథను సిద్ధం చేశానని ఆయన తెలిపారు.
ఆ కథలో యంగ్ టైగర్ ఎన్టీఆర్ నటించడం నటించకపోవడం తన ఇష్టమని చందూ మొండేటి వెల్లడించారు. ఆ సినిమాలో తారక్ నటిస్తే మాత్రం టెర్రిఫిక్ గా ఉంటుందని ఆయన కామెంట్లు చేశారు. చందూ మొండేటి చెప్పిన విషయాలు సోషల్ మీడియా వేదికగా వైరల్ అవుతున్నాయి. చందూ మొండేటి రెమ్యునరేషన్ ఒకింత భారీ రేంజ్ లో ఉందని కామెంట్లు వ్యక్తమవుతూ ఉండటం గమనార్హం.
చందూ మొండేటి ప్రస్తుతం తండేల్ (Thandel) సినిమాతో బిజీగా ఉండగా ఈ సినిమా బాక్సాఫీస్ వద్ద ఎలాంటి ఫలితాన్ని అందుకుంటుందో చూడాలి. గీతా ఆర్ట్స్ లో వరుస సినిమాలకు గ్రీన్ సిగ్నల్ ఇచ్చిన చందూ మొండేటి భవిష్యత్తు ప్రాజెక్ట్స్ విషయంలో ఎన్నో జాగ్రత్తలు తీసుకుంటున్నారు. జూనియర్ ఎన్టీఆర్ చందూ మొండేటికి ఛాన్స్ ఇవ్వాలన్నా రెండు నుంచి మూడేళ్ల సమయం పడుతుందని చెప్పవచ్చు.
యంగ్ టైగర్ ఎన్టీఆర్ టాలెంటెడ్ యంగ్ డైరెక్టర్లకు ఛాన్స్ ఇవ్వాలని ఫ్యాన్స్ కోరుకుంటున్నారు. ఎన్టీఆర్ చందూ మొండేటి కాంబో నెక్స్ట్ లెవెల్ కాంబో అవుతుందని నెటిజన్ల నుంచి అభిప్రాయాలు వ్యక్తమవుతూ ఉండటం గమనార్హం. తారక్ కెరీర్ ప్లానింగ్స్ వేరే లెవెల్ లో ఉన్నాయి. తండేల్ సినిమా ఈ ఏడాదే థియేటర్లలో విడుదల కానుందని సమాచారం అందుతోంది. ఈ సినిమాపై అంచనాలు అంతకంతకూ పెరుగుతున్నాయి.
Home