2013లో పెద్దగా అంచనాలు లేకుండా ప్రేక్షకుల ముందుకు వచ్చిన సాహసం సినిమా ఓ వర్గం ఆడియెన్స్ ను అమితంగా ఆకట్టుకుంది. యాక్షన్ అడ్వెంచర్ సినిమాగా వచ్చిన ఆ సినిమా గోపిచంద్ కు అలాగే తాప్సికి మంచి బూస్ట్ ఇచ్చింది. దర్శకుడు చంద్రశేఖర్ యేలేటి మరోసారి తన టాలెంట్ ను ఆ సినిమాతో నీరూపించుకున్నాడు. అయితే ఆ సినిమా బాక్సాఫీస్ వద్ద అనుకున్నంత రేంజ్ లో క్లిక్కవ్వలేదు. ఆ సినిమాను కరెక్ట్ గా ప్రమోట్ చేసి ఇంకా హై లెవెల్లో తెరకెక్కించి ఉంటే బాక్సాఫీస్ హిట్ గా నిలిచేదని టాక్ కూడా వచ్చింది.
అసలు మ్యాటర్ లోకి వస్తే దర్శకుడు చంద్రశేఖర్ యేలేటి ఇటీవల ఇచ్చిన ఇంటర్వ్యూలో భవిష్యత్తు ప్రాజెక్టులపై కూడా వివరణ ఇచ్చారు. తన దగ్గర మరో సాహసం లాంటి అడ్వెంచర్ యాక్షన్ కథ ఉందని, ఆ సినిమా తెరపైకి వస్తే అద్భుతంగా ఉంటుందని చెప్పాడు. అలాగే ఒక సరికొత్త లవ్ స్టొరీ కూడా ఉందని చెబుతూ నెక్స్ట్ మరిన్ని డిఫరెంట్ జానర్స్ లో సినిమాలను చేయనున్నట్లు చంద్రశేఖర్ యేలేటి క్లారిటీ ఇచ్చాడు.
ఇక నితిన్ తో చేసిన చెక్ సినిమా ఈ నెల 26న రిలీజ్ కాబోతున్న విషయం తెలిసిందే. ఆ సినిమాపై కూడా పాజిటివ్ బజ్ నెలకొంది. ట్రైలర్ కు కూడా మంచి రెస్పాన్స్ వచ్చింది. మరి దర్శకుడు చంద్రశేఖర్ ఈ సినిమాతో బాక్సాఫీస్ వద్ద ఎలాంటి విజయాన్ని అందుకుంటాడో చూడాలి.
Most Recommended Video
పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!
