అప్పుడే ఆ స్టార్ డైరెక్టర్ ను లాక్ చేసేశారా?

కోలీవుడ్ స్టార్ హీరో విజయ్ తో సినిమాలు చేసిన డైరెక్టర్ లు ఇప్పుడు ‘ఆర్.ఆర్.ఆర్’ హీరోలను టార్గెట్ చేస్తున్నట్టు కనిపిస్తుంది. ఇప్పటికే ‘బిగిల్’ దర్శకుడు అట్లీ.. ఎన్టీఆర్ తో సినిమా చేస్తున్నట్టు ఎప్పుడో ప్రకటించాడు. ఆ చిత్రాన్ని ‘వైజయంతి మూవీస్’ మరియు ‘ఈస్ట్ కోస్ట్ ప్రొడక్షన్స్’ సంస్థలు కలిసి నిర్మించే అవకాశం ఉందని టాక్ నడుస్తుంది.అయితే ముందుగా త్రివిక్రమ్ తో సినిమా పూర్తైన తరువాతే అది సెట్స్ పైకి వెళ్ళే అవకాశం ఉంది.

మరోపక్క.. విజయ్ తో ‘మాష్టర్’ తెరకెక్కించిన దర్శకుడు లోకేష్ కనగారాజన్ కూడా ఇప్పుడు రాంచరణ్ తో సినిమా చేసే అవకాశం ఉందని టాక్. ‘ఆర్.ఆర్.ఆర్’ పూర్తైన తరువాత చరణ్ ఏ డైరెక్టర్ తో సినిమా చేసేది ఇంకా ప్రకటించలేదు. వంశీ పైడిపల్లి, సురేందర్ రెడ్డి, వెంకీ కుడుముల, పూరి జగన్నాథ్ వంటి స్టార్ డైరెక్టర్లు వెయిటింగ్ లిస్టు లో ఉన్నారని టాక్. అయితే ఇప్పుడు లోకేష్ కనగారాజన్ పేరు కూడా ఎక్కువ వినిపిస్తుంది. ‘మైత్రి మూవీ మేకర్స్’ వారు ఇటీవల తమిళ దర్శకుడు లోకేష్ కనగారాజన్ కు అడ్వాన్స్ ఇచ్చి లాక్ చేశారట.

ఒకవేళ అతను కనుక చరణ్ మెప్పించే స్క్రిప్ట్ రెడీ చేస్తే సెట్ అయిపోయే ఛాన్స్ ఉందని తెలుస్తుంది. అయితే ‘ఆర్.ఆర్.ఆర్’ తరువాత ఎన్టీఆర్, చరణ్ లను.. ఓ ఫ్యామిలీ ఓరియెంటెడ్ సినిమాలు చెయ్యమని దర్శకుడు రాజమౌళి సూచిస్తున్నాడట. అందుకు తగినట్టే ఎన్టీఆర్.. త్రివిక్రమ్ తో ఫ్యామిలీ సబ్జెక్టు చేస్తున్నాడు. మరి చరణ్ మనసులో ఏముందో..!

Most Recommended Video

ఎక్కువ రోజులు థియేటర్స్ లో ప్రదర్శింపబడిన సినిమాల లిస్ట్!
విడుదల కాకుండానే పైరసీ భారిన పడ్డ సినిమాలు ఎవేవంటే..?
ఈ బుల్లితెర నటీమణుల పారితోషికాలు ఎంతో తెలిస్తే షాక్ అవ్వాల్సిందే..!