ఎన్టీఆర్ ఎవరో తెలియదన్న డైరక్టర్ ఇప్పుడేమన్నారో తెలుసా !!

యంగ్ టైగర్ ఎన్టీఆర్ ఎవరో తనకి తెలియదని కొన్నిరోజుల క్రితం చెప్పి ఫ్యాన్స్ ఆగ్రహానికి గురైన తమిళ డైరక్టర్ హరి.. తప్పుని సరిదిద్దుకునే ప్రయత్నం చేశారు. ఆ మాటలు చెప్పిన రెండు రోజులకే సారీ చెప్పి మాటలను వెనక్కి తీసుకున్న హరి, తాజాగా తారక్ అభిమానులను శాంతిపజేశారు. ఆయన దర్శకత్వంలో తెరకెక్కిన సింగం 3 విజయోత్స సభను నిన్న హైదరాబాద్ లో ఘనంగా జరిపారు. ఈ వేడుకకు హాజరైన హరి ఎన్టీఆర్ గురించి మాట్లాడారు. “నాకు ఎన్టీఆర్ అంటే చాలా అభిమానం. ఆయన నటించిన టెంపర్ సినిమాను నేను చూసాను. అతని నటన అద్భుతం. అందుకే ఎన్టీఆర్ తో ఓ యాక్షన్ మూవీ చేయాలనీ అనుకుంటున్నాను” అని హరి తన మనసులోని మాటను చెప్పారు.

దీంతో నందమూరి ఫ్యాన్స్ కూల్ అయ్యారు. మాస్ మెచ్చే చిత్రాలను తెరకెక్కించడంలో దిట్ట అయిన హరి, ఎన్టీఆర్ తో సినిమా చేస్తే కలక్షన్ల సునామీ సృష్టిస్తుందని సినీ విశ్లేషకులు అంచనా వేస్తున్నారు. మరి వీరి కాంబినేషన్లో సినిమా ఎప్పుడు సెట్ అవుతుందో చూడాలి.

Also, do SUBSCRIBE to our YouTube channel to get latest Tollywood updates.