పవన్ కల్యాణ్ (Pawan Kalyan) – హరీశ్ శంకర్ (Harish Shankar) కాంబినేషన్లో ఓ సినిమా తెరకెక్కుతోంది అనే విషయం బయటకు రాగానే అభిమానులు తెగ ఆనందపడ్డారు. ఎందుకంటే ఇద్దరి కాంబినేషన్లో రూపొందిన ‘గబ్బర్ సింగ్’ (Gabbar Singh) సాధించిన విజయం అలాంటిది మరి. దీంతో ఇద్దరి కాంబోలో మరో సినిమా వస్తే దానికి మించిన విజయం అందుకుంటుంది అనేది వారి ఆలోచన. ఈ క్రమంలో ‘భవదీయుడు భగత్ సింగ్’ అనే పేరు ప్రకటించడంతో ‘సింగ్’ సెంటిమెంట్ కూడా వర్కవుట్ అవుతుందని డబుల్ ఆనందం పొందారు.
అనూహ్యంగా ఆ సినిమా ఆగిపోయింది.. అయితే దాని ప్లేస్లో ‘ఉస్తాద్ భగత్ సింగ్’ (Ustaad Bhagat Singh) అనే సినిమాను ప్రకటించి మెప్పించే ప్రయత్నం చేశారు. అయితే ఈ సినిమా తమిళ హిట్ సినిమా ‘తెరి’ (Theri) రీమేక్ అని తెలియడంతో అభిమానులు నిరాశపడ్డారు. ఈ క్రమంలో సినిమా చేయద్దు అంటూ రెండున్నర లక్షల మంది ట్వీట్లు చేశారట. ఆ సినిమా ఎందుకు అనేది వారి ప్రశ్న. అయితే అదంతా ఒక్క టీజర్తో క్లియర్ అయిపోయింది అని చెప్పారు హరీశ్ శంకర్.
‘ఉస్తాద్ భగత్ సింగ్’ ప్రాజెక్టును ఆపేమయంటూ 2 లక్షల 68 వేల ట్వీట్లు వచ్చాయి అంటూ హరీశ్ శంకర్ పూర్తి వివరాలతో చెప్పుకొచ్చారు. అయితే తాను రీమేకుల విషయంలో తీసుకునే శ్రద్ధ చాలా ఎక్కువగా ఉంటుందని మరోసారి ఆ టీజర్తో చెప్పానని అన్నారు హరీశ్. అలాగే ఇప్పుడు చేసిన ‘ మిస్టర్ బచ్చన్’ (Mr. Bachchan) సినిమాను కూడా 70 శాతానికి పైగా మార్చామని తెలిపారు.
లవ్ స్టోరీని యాడ్ కొత్త లుక్ తీసుకొచ్చామని తెలిపారు. ఈ సినిమాను ఆగస్టు 15న విడుదల చేస్తున్న విషయం తెలిసిందే. ఇక ‘ఉస్తాద్..’ సినిమా సంగతి చూస్తే.. సుమారు ఇరవై శాతం మాత్రమే షూటింగ్ పూర్తి చేసుకున్న ఈ సినిమా కొత్త షెడ్యూల్ ఎప్పుడనేది తెలియడం లేదు. పవన్ తొలుత ‘ఓజీ’ (OG Movie) , ‘హరి హర వీరమల్లు’(Hari Hara Veera Mallu)కి డేట్స్ ఇస్తారు అని అంటున్నారు. ఈ విషయంలో క్లారిటీ రావాల్సి ఉంది.
