Maruthi, Prabhas: ఆ విమర్శలకు మారుతి చెక్ పెడతారా?

March 14, 2022 / 06:30 PM ISTByFilmy Focus

Join Us

Maruthi, Prabhas: ఆ విమర్శలకు మారుతి చెక్ పెడతారా?

టాలీవుడ్ ఇండస్ట్రీలో దర్శకుడు మారుతికి ప్రత్యేక గుర్తింపు ఉంది. తక్కువ బడ్జెట్ లోనే సినిమాలను తెరకెక్కించి ఈ దర్శకుడు ఎన్నో విజయాలను సొంతం చేసుకున్నారు. అయితే మారుతి డైరెక్షన్ లో ప్రభాస్ హీరోగా ఒక సినిమా తెరకెక్కనుంది. త్వరలో ఈ సినిమా షూటింగ్ మొదలుకానుంది. స్టార్ హీరోలతో, మిడిల్ రేంజ్ హీరోలతో మారుతి సినిమాలను తెరకెక్కించినా వరుసగా స్టార్ హీరోలతో సినిమాలు తీయడంలో వెనుకబడ్డారు. ప్రస్తుతం మారుతి గోపీచంద్ హీరోగా పక్కా కమర్షియల్ సినిమాను తెరకెక్కిస్తున్నారు.

Click Here To Watch Now

ఈ సినిమాపై ఇండస్ట్రీలో భారీస్థాయిలో అంచనాలు నెలకొన్నాయి. అయితే మారుతి ఫ్యాన్స్ ప్రభాస్ సినిమాతో మారుతి రేంజ్ పెరుగుతుందని భావిస్తున్నారు. పెద్ద హీరోలను మారుతి హ్యాండిల్ చేయలేడని విమర్శలు వ్యక్తమవుతుండగా మారుతి ఈ సినిమాతో ఆ విమర్శలకు చెక్ పెడతారేమో చూడాల్సి ఉంది. వాస్తవానికి ప్రభాస్ అభిమానులలో చాలామందికి ప్రభాస్ మారుతి కాంబినేషన్ లో సినిమా ఇష్టం లేదు. అయితే మారుతి మాత్రం సరైన ఛాన్స్ వస్తే ప్రూవ్ చేసుకుంటారని ఫ్యాన్స్ భావిస్తున్నారు.

మొదట ఈ సినిమాకు రాజా డీలక్స్ అనే టైటిల్ వినిపించినా ప్రభాస్ సూచనల మేరకు టైటిల్ మార్పు జరగనుందని సమాచారం అందుతోంది. మారుతి ప్రస్తుతం ఈ సినిమా స్క్రిప్ట్ పై దృష్టి పెట్టారని సమాచారం. కామెడీ ప్రధానంగా ఈ సినిమా తెరకెక్కనుందని ప్రేక్షకులు మెచ్చే అన్ని అంశాలు సినిమాలో ఉండనున్నాయని తెలుస్తోంది. తక్కువ సమయంలోనే ఈ సినిమా షూటింగ్ జరగనుందని సమాచారం. ఒకవైపు భారీ బడ్జెట్ సినిమాలలో నటిస్తూనే మరోవైపు పరిమిత బడ్జెట్ సినిమాలకు ప్రభాస్ ప్రాధాన్యత ఇస్తున్నారు.

సాహో, రాధేశ్యామ్ అనుకున్న స్థాయిలో సక్సెస్ కాని నేపథ్యంలో ప్రభాస్ తర్వాత సినిమాలతో విజయాలను అందుకుంటారేమో చూడాలి. ప్రభాస్ నటిస్తున్న సలార్, ఆదిపురుష్, ప్రాజెక్ట్ కే సినిమాలపై భారీస్థాయిలో అంచనాలు నెలకొన్నాయి. ఈ సినిమాలు ప్రభాస్ కెరీర్ లో బిగ్గెస్ట్ హిట్లుగా నిలుస్తాయని ఫ్యాన్స్ భావిస్తున్నారు.