Puri Jagannadh: తిరుగుబోతులు, ఆశబోతులు, పొగరుబోతులు కలిసే జంక్షన్‌ అదే!

సమాజాన్ని పూరి జగన్నాథ్‌ కళ్లతో చూడాలి అంటుంటారు సినిమా జనాలు. ఎందుకంటే అందరూ చూసే విషయాల్ని ఆయన వేరే కోణంలో చూస్తారు. అందుకే కొంతమంది భయపెట్టే సమాజం ఆయనను ఆ కోణంలో దగ్గరకు కూడా రాదు. అయితే ఆయన ఈ సమాజాన్ని చూసే కోణాన్ని ప్రేక్షకులకు, అభిమానులకు కూడా వివరిస్తుంటారు. కరోనా – లాక్‌డౌన్‌ పరిస్థితుల సమయంలో ‘మ్యూజింగ్స్‌’ అంటూ పూరి జగన్నాథ్‌ కొన్ని ఆలోచనలు పంచుకునేవారు. ఆ తర్వాత అవి తగ్గిపోతూ వచ్చాయి. తాజాగా మరోసారి అలాంటి ప్రయత్నం చేశారు. ఈసారి తాగుబోతులు, తిరుగుబోతులు, పొగరుబోతుల గురించి మాట్లాడారు.

ప్రేమించిన వాళ్లు మోసం చేస్తారు దాంతో వెక్కి వెక్కి ఏడుస్తాం. రాత్రనక, పగలనక ఏడుస్తాం. ఇది చాలా మందికి జరిగే ఉంటుంది. అలా మీరు గానీ ఏడుస్తుంటే కంగ్రాట్స్‌ ఎందుకంటే మీరు క్యూలో ఉన్నారు. రాత్రి పగలూ కునుకు లేకుండా కష్టపడుతున్నారు, ఎలాగైనా డబ్బు సంపాదించాలి, కుటుంబం పరువు కాపాడాలి, కోట్లు కోట్లు సంపాదించాలి అని అనుకుంటుంటారు కొందరు. మీరు ఇలా చేస్తుంటే.. మీరు చేయని అరాచకం లేదు, చేయని మోసం లేదు అని చెప్పొచ్చు. ఎలాగైనా పదవి కావాలి, దాని కోసం ఎంతమందినైనా నరుకుతా అని మీరు అనుకుంటుంటే.. సరైన దారిలో పయనిస్తున్నారని అర్థం.

అంటే.. మీరు ఆధ్యాత్మికం వైపు అడుగులు వేస్తున్నారని అర్థం. ఎంత కామిస్తారో కామించండి, ఎంత రమిస్తారో రమించండి, ఎంత తాగుతారో తాగండి. ఎంతలా తాగాలంటే మందు మీద మీకుు విరక్తి కలిగేలా తాగండి. మీరు సరైన దారిలో ఉన్నారు. ప్రేమిస్తూ అలసిపోండి, పనిచేస్తూ నలిగిపోండి, దొంగతనాలు చేస్తూ తిరగండి, అందరినీ హింసించండి, ప్రజా సేవలో కరిగిపోండి, జీవితాంతం ఏ దైవ సేవలోనో గడపండి, ఏం చేసినా జీవితం ఆఖరి రోజుల్లో ‘అనవసరంగా ఇవ్వన్నీ చేశాను’ అనిపిస్తుంది. వయసు పెరిగే కొద్దీ కొన్ని విషయాలు అర్థమవుతాయి.

ఆ తర్వాత నరాల బలహీనమయ్యాక, మనిషి కూలబడ్డాక ఇంకొన్ని విషయాలు అర్థమవుతాయి. ఒకటి గుర్తుంచుకోండి తాగుబోతులు, తిరుగుబోతులు, ఆశబోతులు, పొగరుబోతులు… ఇలా అందరూ కలిసేది ఒకే ఒక జంక్షన్‌లో. అదే ‘విరక్తి’. ఆ తర్వాత వైరాగ్యం వచ్చేస్తుంది. ఆధ్యాత్మిక మార్గం వైపు అడుగులు వేయడానికే మనందరం పుట్టాం. కొంచెం త్వరగా వెళితే మంచిది అంటూ పూరి తనదైన శైలిలో చెప్పుకొచ్చారు.

ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!

స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!