స్టార్ హీరో బాలకృష్ణ అన్ స్టాపబుల్ టాక్ షోతో రియాలిటీ షోలను కూడా అద్భుతంగా హోస్ట్ చేయగలనని పేరు సంపాదించుకున్నారు. త్వరలో బాలయ్య హోస్ట్ గా మహేష్ గెస్ట్ గా హాజరైన ఎపిసోడ్ ప్రసారం కానుంది. ఈ నెల 14వ తేదీ నుంచి ఆహాలో లైగర్ చిత్రబృందం అన్ స్టాపబుల్ షోకు అతిథులుగా వచ్చిన ఎపిసోడ్ స్ట్రీమింగ్ అవుతోంది. ఈ షోలో బాలయ్య గురించి ఎవరికీ తెలియని సీక్రెట్లను పూరీ జగన్నాథ్ చెప్పుకొచ్చారు.
బాలయ్య పూరీ జగన్నాథ్ కాంబినేషన్ లో పైసా వసూల్ సినిమా తెరకెక్కింది. ఈ సినిమాకు యావరేజ్ టాక్ రాగా బాక్సాఫీస్ వద్ద ప్రేక్షకులను ఈ సినిమా తీవ్రస్థాయిలో నిరాశపరిచిందనే సంగతి తెలిసిందే. సినిమా ఫ్లాప్ అయినా బాలయ్య పూరీ జగన్నాథ్ మధ్య అనుబంధం మాత్రం అలాగే ఉంది. బాలకృష్ణకు కోపం ఎక్కువని ఆయనతో సినిమా అంటే చాలా కష్టమని చాలామంది చెప్పారని ఈ షోలో పూరీ జగన్నాథ్ తెలిపారు. అయితే తొలిరోజు షూటింగ్ సమయంలోనే బాలయ్య మనస్తత్వం అర్థమైందని పూరీ జగన్నాథ్ కామెంట్లు చేశారు.
ఆ తర్వాత అభిప్రాయాలు మారిపోయాయని పూరీ జగన్నాథ్ అన్నారు. ఆ తర్వాత పైసా వసూల్ సమయంలో నా గర్ల్ ఫ్రెండ్ పేరు చెప్పగలవా అని బాలయ్య ప్రశ్నించగా పూరీ జగన్నాథ్ తాను చెప్పగలనని చెబుతూ బాలయ్య గర్ల్ ఫ్రెండ్ పేరు కరోలినా అన్నారు. ఆ తర్వాత బాలయ్య వసుంధర కారవాన్ లోనే ఉందని చెబుతూ సరదాగా కామెంట్లు చేశారు. మద్యం గురించి బాలయ్య స్తోత్రాలు పాడేవారని పూరీ జగన్నాథ్ పైసా వసూల్ షూటింగ్ సమయంలో చోటు చేసుకున్న ఘటనల గురించి చెప్పుకొచ్చారు.
చలిలో కూడా బాలయ్య షూటింగ్ లో పాల్గొనేవారని పూరీ జగన్నాథ్ అన్నారు. బాలయ్య పూరీ జగన్నాథ్ డైరెక్షన్ లో మరో సినిమాలో నటించడానికి సిద్ధమేనని చెప్పుకొచ్చారు. మామా ఏక్ పెగ్ లావా అని టైటిల్ ను ఫిక్స్ చేద్దామని బాలయ్య కామెంట్లు చేశారు
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
Home