రీమేక్ లో ఆ పాత్రని కట్ చేస్తారా..?

November 16, 2020 / 04:52 PM IST

Join Us

పవర్ స్టార్ పవన్ కళ్యాణ్ మలయాళం సినిమా ‘అయ్యప్పనుమ్ కోషియుమ్’ సినిమా తెలుగు రీమేక్ లో నటిస్తోన్న సంగతి తెలిసిందే. అయితే ఈ సినిమాకి సంబంధించిన కొన్ని రోజులుగా ఓ పుకారు బాగా వైరల్ అవుతోంది. మలయాళంలో మల్టీస్టారర్ సినిమాగా తెరకెక్కిన ఈ సినిమా.. తెలుగు రీమేక్ కి వచ్చేసరికి మాత్రం ఓ పాత్రను బాగా తగ్గిస్తున్నారంటూ ప్రచారం జరిగింది. పవన్ ని హైలైట్ చేయడం కోసం కథలో కీలకమైన రెండో పాత్రను లైట్ చేస్తున్నారంటూ కథనాలు వచ్చాయి.

సినిమాలో పవన్ ని మాత్రమే హీరోగా చూపించి.. రెండో పాత్రని విలన్ యాంగిల్ లో ప్రొజెక్ట్ చేయనున్నట్లు వార్తలు వచ్చాయి. వీటిపై స్పందించిన చిత్ర దర్శకుడు సాగర్ చంద్ర అందులో నిజం లేదని తేల్చేశాడు. ‘అయ్యప్పనుమ్ కోషియుమ్’ సినిమాలో రెండు బలమైన పాత్రలుంటాయని.. రెండూ మంచి పాత్రలేనని అన్నారు. వాటిలో ఉన్న ఫీల్, సోల్ చెడిపోకుండా.. తెలుగు నేటివిటీకి తగ్గట్లుగా మార్పులు చేశామని సాగర్ చంద్ర చెప్పారు. అంతేతప్ప ఏ పాత్ర ఔచిత్యాన్ని తగ్గించడం లేదని క్లారిటీ ఇచ్చారు. ఈ సినిమాలో పవన్ ని ఓ అభిమానిగా తను ఎలా చూడాలనుంటున్నాడో.. అలా చూపించడానికి మాత్రం ప్రయత్నిస్తున్నట్లు చెప్పారు.

తను చేసిన మార్పులు పవన్ కళ్యాణ్ కి బాగా నచ్చాయని.. ప్రేక్షకులకు కూడా తప్పకుండా నచ్చుతాయని నమ్మకంగా చెబుతున్నారు. అప్పటివరకు ‘వకీల్ సాబ్’, అలానే క్రిష్ సినిమాలతో బిజీగా ఉన్న పవన్ లిస్ట్ లోకి ఈ రీమేక్ సడెన్ గా వచ్చి చేరింది. దీంతో క్రిష్ సినిమాని పక్కన పెట్టి ఈ రీమేక్ సినిమాని ముందుగా పూర్తి చేయాలనుకుంటున్నాడు పవన్. ప్రస్తుతం ఆయన ‘వకీల్ సాబ్’ సినిమా షూటింగ్ లో బిజీగా ఉన్నారు. అది పూర్తయిన వెంటనే ఈ రీమేక్ సినిమాను మొదలుపెట్టనున్నారు.