Sandeep Reddy Vanga: ప్రభాస్, మహేష్ సినిమాల అప్ డేట్స్ ఇచ్చిన సందీప్.. అలా చెప్పడంతో?

టాలీవుడ్ ఇండస్ట్రీలోని ప్రముఖ దర్శకులలో సందీప్ రెడ్డి వంగా (Sandeep Reddy Vanga) ఒకరు కాగా ఈ డైరెక్టర్ సినిమాలు బాక్సాఫీస్ వద్ద సంచలన విజయాన్ని సొంతం చేసుకోవడం జరిగింది. సందీప్ రెడ్డి వంగా డైరెక్షన్ లో నటించడానికి టాలీవుడ్ హీరోలు తెగ ఆసక్తి చూపిస్తారు. త్వరలో ప్రభాస్ (Prabhas) సందీప్ కాంబినేషన్ లో స్పిరిట్  (Spirit) అనే టైటిల్ తో ఒక సినిమా తెరకెక్కనుంది. ఈ సినిమా స్క్రిప్ట్ పనులు దాదాపుగా కొలిక్కి వచ్చాయని తెలుస్తోంది.

Sandeep Reddy Vanga

మరోవైపు మహేష్ బాబు (Mahesh Babu) సందీప్ కాంబినేషన్ లో రాబోయే రోజుల్లో ఒక సినిమా తెరకెక్కనుందని జోరుగా వార్తలు ప్రచారంలోకి వచ్చిన సంగతి తెలిసిందే. అయితే వైరల్ అవుతున్న వార్తలకు సంబంధించి సందీప్ రెడ్డి వంగా పూర్తిస్థాయిలో క్లారిటీ ఇచ్చేశారు. ప్రభాస్ స్పిరిట్ త్వరలోనే ప్రారంభం కానుందని ఆయన అన్నారు. తాను ఫిజియోథెరపీ కోర్సు చేశానని కొంతకాలం ప్రాక్టీస్ కూడా చేశానని ఆయన తెలిపారు.

ఈ కారణం వల్ల నా సినిమాలో ఆ ఛాయలు కొంచెం డీప్ గా ఉంటాయని సందీప్ రెడ్డి వంగా పేర్కొన్నారు. విద్యార్థి దశ నుంచి నాకు సినిమాలపై ఎక్కువగా ఆసక్తి ఉండేదని ఆయన చెప్పుకొచ్చారు. సినిమా తీసే విధానాన్ని నేను నిశితంగా పరిశీలించేవాడినని ఆయన పేర్కొన్నారు. నేను ఫిజియోథెరపిస్ట్ గా ప్రాక్టీస్ చేసే సమయంలో సినిమా రంగం వైపు నా అడుగులు పడ్డాయని సందీప్ రెడ్డి వంగా తెలిపారు.

సూపర్ స్టార్ మహేష్ బాబుతో సినిమా చేయడానికి నాకు సమయం లేదని స్పిరిట్ మూవీ తర్వాత యానిమల్2  (Animal)  సినిమాకు వెళ్తానని ఆయన చెప్పుకొచ్చారు. ఈ రెండు సినిమాలు పూర్తి చేయడానికి కనీసం నాలుగేళ్ల సమయం పడుతుందని సందీప్ రెడ్డి వంగా పేర్కొన్నారు. సినిమాల ద్వారా నా మెసేజ్ ఏంటో క్లియర్ గా చెబుతానని ఆయన తెలిపారు. ఏది ఏమైనా చేసే పనిపై దృష్టి పెట్టాలని అప్పుడు మాత్రమే మేము సరైన ఫలితాలను అందుకుంటామని సందీప్ రెడ్డి వంగా పేర్కొన్నారు.

సూపర్ స్టార్ రజనీకాంత్ మూవీ రైట్స్ ఎంతో తెలిస్తే షాకవ్వాల్సిందే!