విజయ్ దేవరకొండ ప్రస్తుతం పూరి జగన్నాథ్ డైరెక్షన్లో ‘లైగర్’ అనే ఓ చిత్రం చేస్తున్న సంగతి తెలిసిందే. పాన్ ఇండియా లెవెల్లో రూపొందుతోన్న ఈ చిత్రానికి ఛార్మి, కరణ్ జోహార్, పూరి జగన్నాథ్ లు నిర్మాతలు. అనన్య పాండే హీరోయిన్ గా నటిస్తుండగా మణిశర్మ సంగీతాన్ని అందిస్తున్నాడు. ఇదిలా ఉండగా.. ఈ చిత్రం కథ గతంలో పూరి జగన్నాథ్ తెరకెక్కించిన ‘అమ్మ నాన్న ఓ తమిళ అమ్మాయి’ చిత్రాన్ని పోలి ఉంటుంది అని ప్రచారం జరిగింది.
ఆ చిత్రంలో హీరో కిక్ బాక్సర్.. ఇందులో కూడా విజయ్ అలాంటి పాత్రనే పోషిస్తున్నాడు. ఇక రమ్యకృష్ణ కూడా ఈ చిత్రంలో కీలక పాత్ర పోషిస్తుంది అనే టాక్ రావడంతో.. జయసుధ పాత్రనే ఈమె పోషిస్తుంది అనే ప్రచారం జోరందుకుంది. ‘అమ్మ నాన్న ఓ తమిళ అమ్మాయి’ లైన్ నే పూరి తీసుకున్నప్పటికీ టేకింగ్ చాలా కొత్తగా ఉంటుందని ఇన్సైడ్ టాక్. ఇదిలా ఉండగా..తమిళ స్టార్ డైరెక్టర్ శంకర్ కూడా మన పూరినే ఫాలో అవుతున్నాడు అని తాజా సమాచారం.
మేటర్ ఏంటంటే. ‘ఆర్.ఆర్.ఆర్’ పూర్తయిన తరువాత చరణ్.. శంకర్ డైరెక్షన్లో ఓ సినిమా చేయబోతున్నాడు. పాన్ ఇండియా లెవెల్లో రూపొందుతోన్న ఈ చిత్రానికి దిల్ రాజు నిర్మాత. ఈ చిత్రంలో చరణ్ ఐ.ఎ.ఎస్ ఆఫీసర్ గా కనిపిస్తాడట. అంతేకాదు గతంలో శంకర్ తెరకెక్కించిన ‘ఒకే ఒక్కడు’ చిత్రం పోలికలు ఇందులో చాలానే ఉంటాయని ఇన్సైడ్ టాక్. ఇవి ఎంతవరకు నిజమనేది ఈ సినిమాలు విడుదలైతే కానీ చెప్పలేము.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
Home