Ram Charan, Shankar: శంకర్-చరణ్ సినిమాపై లేటెస్ట్ అప్డేట్!

టాలీవుడ్ స్టార్ హీరో రామ్ చరణ్, దర్శకుడు శంకర్ కాంబినేషన్ లో ఓ సినిమా తెరకెక్కుతోన్న సంగతి తెలిసిందే. సెప్టెంబర్ నుండి ఈ సినిమా షూటింగ్ మొదలయ్యే అవకాశాలు ఉన్నాయి. మొదటి షెడ్యూల్ ని హైదరాబాద్ లోనే చిత్రీకరించనున్నారు. ప్రస్తుతం శంకర్ హైదరాబాద్ లోనే ఉన్నారు. సినిమాకి కావాల్సిన లొకేషన్స్ కోసం వెతికే పనిలో పడ్డారు. మరోపక్క రామ్ చరణ్ కోసం రకరకాల గెటప్పుల్ని సిద్ధం చేస్తున్నారు. పలు ఫోటోషూట్లను నిర్వహించిన తరువాత వాటిలో ఓ గెటప్ ను ఫైనల్ చేస్తారు.

స్కెచ్ ఆర్టిస్ట్ లు, మేకప్ నిపుణులతో శంకర్ చర్చలు జరుపుతున్నట్లు తెలుస్తోంది. శంకర్ తన సినిమాల్లో హీరోలను రకరకాల గెటప్పుల్లో చూపిస్తుంటారు. పైగా ఈ సినిమాలో చరణ్ ద్విపాత్రాభినయం చేస్తున్నాడని వార్తలు వస్తున్నాయి. ద్విపాత్రాభినయం కాకపోయినా.. చరణ్ ను కొత్త లుక్ లో చూపించడం ఖాయం. ఈ సినిమాకి మ్యూజిక్ డైరెక్టర్ గా తమన్ ను ఫైనల్ చేసుకున్నారు. ప్రస్తుతం రామ్ చరణ్ ‘ఆర్ఆర్ఆర్’ సినిమా కోసం పని చేస్తున్నారు.

ఈ భారీ ప్రాజెక్ట్ తరువాత చరణ్ చేయబోయే సినిమా శంకర్ తో కావడం విశేషం. ఇప్పటినుండే సినిమాపై భారీ అంచనాలు నెలకొన్నాయి. మరి శంకర్ ఏ రేంజ్ లో సినిమా తీస్తారో చూడాలి!

Most Recommended Video

‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!