RC15.. ప్రకటన వచ్చేసింది!

టాలీవుడ్ సర్కిల్స్‌లో ఇప్పుడు ఒక క్రేజీ కాంబినేషన్ హాట్ టాపిక్ గా మారింది. మెగా పవర్ స్టార్ రామ్ చరణ్ హీరోగా కోలీవుడ్ మెగా డైరెక్టర్ శంకర్ దర్శకత్వంలో ఓ సినిమా తెరకెక్కబోతోంది. టాలీవుడ్ అగ్ర నిర్మాత దిల్ రాజు ఈ చిత్రాన్ని నిర్మించబోతున్నాడు. గత రెండు రోజులుగా ఈ కాంబినేషన్ కి సంబంధించిన వార్త సోషల్ మీడియాలో చక్కర్లు కొడుతూనే ఉంది. ఎట్టకేలకు ఈ సినిమాకి సంబంధించిన అధికార ప్రకటన వచ్చేసింది.

రామ్ చరణ్ తన పదిహేనవ సినిమా శంకర్ దర్శకత్వంలో చేయనున్నారు. శ్రీ వెంకటేశ్వర క్రియేషన్స్ బ్యానర్ పై తెరకెక్కుతోన్న 50వ సినిమా కావడం విశేషం. దాదాపు 300 కోట్ల బడ్జెట్ లో ఈ సినిమాను నిర్మించబోతున్నట్లు టాక్. దర్శకుడు శంకర్ చాలా కాలంగా తెలుగులో స్ట్రెయిట్ సినిమా చేస్తానని అంటున్నారు. మన హీరోలు కూడా ఆయనతో సినిమా చేయాలని ఆశపడ్డారు. కానీ వర్కవుట్ అవ్వలేదు. ఫైనల్ గా రామ్ చరణ్ ఈ అవకాశాన్ని అందుకున్నాడు.

ప్రస్తుతం శంకర్ తమిళంలో ‘ఇండియన్ 2’ సినిమాను తీస్తున్న సంగతి తెలిసిందే. కమల్ హాసన్ హీరోగా నటిస్తోన్న ఈ సినిమా మొదలై రెండేళ్లు దాటేసింది. కానీ కొన్ని కారణాల వలన సినిమా వాయిదా పడుతూ వస్తోంది. త్వరలోనే ఈ సినిమా షూటింగ్ తిరిగి మొదలుపెట్టి.. కొన్ని నెలల్లో పూర్తి చేసి ఆ తరువాత రామ్ చరణ్ సినిమాను మొదలుపెట్టాలని శంకర్ భావిస్తున్నాడట.

Most Recommended Video

ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?