“నిన్ను కోరి, మజిలీ” చిత్రాలతో ఎమోషనల్ హిట్స్ అందుకున్న శివ నిర్వాణ మూడో సినిమా ఎవరితో తెరకెక్కిస్తాడనే విషయం ప్రస్తుతం చర్చనీయాంశం అయ్యింది. తాను ఫీల్ గుడ్ లవ్ స్టోరీస్ మాత్రమే తెరకెక్కించగలను అని బాహాటంగా ఒప్పుకున్న శివ నిర్వాణ మూడో సినిమా ఎవరితో అనే విషయాన్ని మాత్రం ఇప్పటివరకూ ప్రకటించలేదు. అందులోనూ “నిన్ను కోరి” తర్వాత రెండేళ్లు గ్యాప్ తీసుకున్న శివ “మజిలీ” తర్వాత కూడా అదే తరహాలో గ్యాప్ తీసుకొంటాడేమో అనుకున్నారందరూ. కానీ.. త్వరలోనే “మజిలీ” చిత్రాన్ని నిర్మించిన షైన్ స్క్రీన్స్ బ్యానర్ లో మరో సినిమా సైన్ చేశాడు.
విశ్వసనీయ వర్గాల సమాచారం మేరకు.. శివ నిర్వాణ ఆల్రెడీ విజయ్ దేవరకొండకి ఒక సెన్సిబుల్ లవ్ స్టోరీ చెప్పాడని.. విజయ్ కి ఆ స్టోరీ నచ్చిందని.. ప్రస్తుతం “డియర్ కామ్రేడ్” ఆ తర్వాత క్రాంతి మాధవ్ దర్శకత్వంలో ఒక సినిమా. ఆ సినిమా అనంతరం ఒక తమిళ సినిమా సైన్ చేశాడు విజయ్. ఈ సినిమాలు కంప్లీట్ అవ్వడానికి ఏడాది టైమ్ పడుతుంది. శివ నిర్వాణకు ఎలాగూ స్క్రిప్ట్ కంప్లీట్ చేయడానికి కనీసం ఒక ఆరు నెలలు కావాలి. ఈలోపు విజయ్ తన కమిట్ మెంట్స్ కంప్లీట్ చేసుకొని శివకు డేట్స్ ఇస్తాడని సమాచారం. ఈ ప్రొజెక్ట్ గనుక సెట్ అయితే శివ నిర్వాణకు హ్యాట్రిక్ ఫిక్స్ అయినట్లే. మరి ఈ ప్రొజెక్ట్ ఎప్పుడు సెట్స్ మీదకు వెళ్తుందో చూడాలి.
Home
