తన ప్రాజక్ట్స్ ని సెట్ చేసిన తేజ

‘నేనే రాజు నేనే మంత్రి’ సినిమాతో డైరక్టర్ తేజ పూర్వ వైభవం సొంతం చేసుకున్నారు. అందుకే ఇప్పుడు అతని చేతిలో రెండు భారీ ప్రాజెక్ట్స్ ఉన్నాయి. అందులో ఒకటి విక్టరీ వెంటేష్ సినిమా ఒకటి. మరొకటి ఎన్టీఆర్ బయోపిక్ మూవీ. అయితే ఎన్టీఆర్ బయోపిక్ సినిమా కోసం వెంకటేష్ ప్రాజెక్ట్ ని పక్కన పెట్టారని గత రెండు రోజులుగా వార్తలు షికారు చేసాయి. ఆ వార్తలను తేజ బృందం ఖండించింది. అందులో వాస్తవం లేదని స్పష్టం చేసింది. రెండు ప్రాజక్ట్స్ ని పక్కాగా కంప్లీట్ చేయడానికి తేజ షెడ్యూల్ ఫిక్స్ చేసినట్లు వెల్లడించింది.

వెంకటేష్ “వేట నాదే ఆట నాదే” అనే సినిమాని ఫిబ్రవరి నుంచి మొదలు పెట్టనున్నట్టు తెలిపింది. షూటింగ్ జరుగుతున్నప్పుడే ఎడిటింగ్ కూడా జరిగేలా తేజ ప్లాన్ చేసినట్లు ఫిలిం నగర్ వాసులు చెప్పారు. సురేశ్ ప్రొడక్షన్స్, ఎ.కె. ఎంటర్‎టైన్ మెంట్స్ సంయుక్తంగా నిర్మిస్తున్న ఈ మూవీని ఐదు నెలల్లో అంటే ఆగస్టు నాటికీ కంప్లీట్ చేయనున్నట్లు తెలిపారు. ఆ తర్వాత రెస్ట్ తీసుకోకుండా ఆగస్టు నుంచి ఎన్టీఆర్ బయోపిక్ ని పట్టాలెక్కించనున్నారు. ఈ రెండు సినిమాలపై అంచనాలు భారీగా ఉన్నాయి. సో ఈ ఏడాది తేజ క్షణం కూడా తీరిక లేకుండా ఉంటారు.