పవన్ కళ్యాణ్ రాజకీయాల్లో బిజీ అవుతున్న తరుణంలో ‘త్రివిక్రమ్ కు తక్కువ కాల్షీట్లు ఇచ్చి ఉంటాడు. అందుకే ‘అజ్ఞాతవాసి’ లాంటి డిజాస్టర్ సినిమా తీసాడు’ అని పవన్ ఫ్యాన్స్ సరిపెట్టుకున్నారు.. కానీ ‘అజ్ఞాతవాసి’ ఫలితం గురించి పవన్ ఫ్యాన్స్ త్రివిక్రమ్ ను ఎక్కువ ట్రోల్ చెయ్యలేదు. తిట్టి పొయ్యనులేదు. ఎందుకంటే త్రివిక్రమ్ .. పవన్ కు అత్యంత సన్నిహితుడు కాబట్టి..! వీళ్ళిద్దరూ సోదర సమానుల్లా కలిసి ఉంటారు. గతంలో వీరిద్దరి కాంబినేషన్లో ‘జల్సా’ వంటి సూపర్ హిట్ తో పాటు ‘అత్తారింటికి దారేది’ వంటి ఇండస్ట్రీ హిట్..
సినిమా కూడా వచ్చింది. అందుకే వీళ్ళిద్దరి కాంబినేషన్లో సినిమా వస్తే చూడాలని పవన్ అభిమానులు ఎంతో ఆశక్తితో వెయిట్ చేస్తున్నారు. ‘అజ్ఞాతవాసి’ వంటి డిజాస్టర్ ను మరిపించే బ్లాక్ బస్టర్.. వీరిద్దరి కాంబినేషన్ నుండీ వస్తే బాగుణ్ణు’.. అంటూ పవన్ అభిమానులు కోరుకుంటున్నారు. అయితే త్రివిక్రమ్ మాత్రం పవన్ అభిమానులకు పెద్ద షాక్ ఇచ్చాడనే చెప్పాలి. అతని దగ్గర ఉన్న స్క్రిప్ట్ లలో పవన్ కు సూట్ అయ్యే కథ ఒక్కటి కూడా లేదట.
ప్రస్తుతం ఎన్టీఆర్ తో సినిమా చెయ్యడానికి రెడీ అవుతున్నాడు త్రివిక్రమ్. అది పూర్తైన తరువాత మహేష్ బాబు లేదా వెంకటేష్ తో సినిమా చేసే అవకాశం ఉందట. కాబట్టి పవన్ తో ఇప్పట్లో సినిమా చేసే అవకాశం లేదని.. త్రివిక్రమ్ అతని సన్నిహితుల దగ్గర చెప్పాడట. దానిని బట్టి చూస్తుంటే ఇప్పట్లో పవన్ – త్రివిక్రమ్ కాంబినేషన్లో సినిమా ఉండదని స్పష్టం అవుతుంది.
Most Recommended Video
పెంగ్విన్ సినిమా రివ్యూ & రేటింగ్
మీ అభిమాన తారల, అరుదైన పెళ్లి పత్రికలు
ఐశ్వర్యవంతులను పెళ్లి చేసుకున్న అందమైన హీరోయిన్స్!
