Vetrimaaran, Mahesh: మహేష్‌ – వెట్రిమారన్‌ సినిమా.. అప్పుడేం జరిగింది అంటే?

కోలీవుడ్ దర్శకుడు వెట్రిమారన్‌ ఓ తెలుగు సినిమా చేస్తారని చాలా రోజులుగా వార్తలొస్తున్నాయి. ఇంకా చెప్పాలంటే ఏళ్ల నుండి వార్తలొస్తున్నాయి. అదిగో, ఇదిగో అంటూ పుకార్లు రావడం తర్వాత ఏమవుతుందో ఏమో.. ఎలాంటి సప్పుడు లేకుండా ఉండిపోవడం. దీంతో అసలు వెట్రిమారన్‌ వాళ్లకు కథలు చెప్పారా? లేదా? ఇవన్నీ పుకార్లేనా అనే డౌట్‌ వచ్చింది చాలామందికి. అయితే వీటన్నింటికి వెట్రిమారన్‌ ఓ క్లారిటీ ఇచ్చేశారు. ఈ క్రమంలో మహేష్‌బాబు సినిమా సంగతి కూడా తెలిసిపోయింది.

వెట్రిమారన్‌ తెరకెక్కించిన ‘విడుదల పార్ట్‌ 1’ త్వరలో విడుదలవుతోంది. ఈ నేపథ్యంలో వెట్రిమారన్‌ మీడియాతో మాట్లాడారు. అందులో భాగంగానే ఎన్టీఆర్‌తో సినిమా, మహేష్‌ బాబుతో సినిమా గురించి చెప్పుకొచ్చారు. టాలీవుడ్ సూపర్ స్టార్ మహేష్ బాబుని ‘ఆడుకాలం’ రిలీజ్ తర్వాత కలిశానని, అయితే ఆయనతో సినిమాకి సంబంధించి కథ ఏది కుదరలేదని వెట్రిమారన్‌ చెప్పారు. మహేశ్‌బాబును కలిసి ఒక కథ చెప్పా. ఎందుకో ఆ సినిమా కూడా కార్యరూపం దాల్చలేదు. అయితే రాబోయే రోజుల్లో సూపర్ స్టార్‌తో మంచి సినిమా చేస్తానని చెప్పారు.

వెట్రిమారన్‌ (Vetrimaaran) దర్శకత్వంలో విజయ్‌ సేతుపతి, సూరి కీలక పాత్రల్లో నటించిన తమిళ చిత్రం ‘విడుదలై పార్ట్‌ 1’ ఇటీవల తమిళంలో ప్రేక్షకుల ముందుకు వచ్చింది. ఈ సినిమా బాక్సాఫీస్‌ దగ్గర మంచి విజయం దక్కించుకోవడమే కాదు… విమర్శకులను సైతం మెప్పించింది. ఇప్పుడు తెలుగులో ‘విడుదల పార్ట్‌ 1’ పేరుతో ఏప్రిల్‌ 15న అల్లు అరవింద్‌ రిలీజ్‌ చేస్తున్నారు. వెట్రిమారన్‌ ‘విడుదలై పార్ట్‌2’ తెరకెక్కించే పనిలో ఉన్నారు.

తెలుగు ప్రచారం పూర్తి చేసుకున్నాక సూర్యతో ‘వాడివాసల్’ సినిమా పనుల్లోకి దిగుతారు. ఆ తర్వాత ‘విడుదలై 2’ కూడా వచ్చేస్తుంది. ఆ తర్వాత ఎన్టీఆర్‌ సినిమా అంటున్నారు. కొరటాల శివ సినిమా అయ్యాక.. ప్రశాంత్‌ నీల్‌ సినిమా పూర్తయ్యాక ఈ సినిమా ఉండొచ్చని టాక్‌. గతంలోనూ ఇలా ఈ కాంబినేషన్‌లో సినిమా చర్చలు బయటకు వచ్చాయి. కానీ అవ్వలేదు. మరి ఈ సారి ఏమవుతుందో చూడాలి.

రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!

ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!