Mahesh Babu, Pawan Kalyan: పవన్, మహేష్ లతో అలాంటి సినిమాలు తీస్తానన్న వీఐ ఆనంద్.. కానీ?

టాలీవుడ్ ఇండస్ట్రీలో విభిన్నమైన కథలకు ప్రాధాన్యత ఇస్తూ కెరీర్ పరంగా బిజీగా ఉండే దర్శకులలో వీఐ ఆనంద్ ఒకరు. వీఐ ఆనంద్ డైరెక్షన్ లో తెరకెక్కిన ఊరు పేరు భైరవకోన మూవీ తాజాగా థియేటర్లలో విడుదలై రికార్డ్ స్థాయిలో కలెక్షన్లను సొంతం చేసుకుంటున్న సంగతి తెలిసిందే. ఈ సినిమా ప్రమోషన్స్ లో భాగంగా వరుస ఇంటర్వ్యూలు ఇస్తున్న వీఐ ఆనంద్ ఆ ఇంటర్వ్యూలలో ఆసక్తికర విషయాలను వెల్లడించారు. మహేష్ బాబు, పవన్ కళ్యాణ్ లతో సినిమాలు చేయడానికి ఆసక్తి ఉందని వీఐ ఆనంద్ చెప్పడంతో పాటు ఆ హీరోలతో ఎలాంటి కాన్సెప్ట్ లను తెరకెక్కించాలని అనుకుంటున్నారో కూడా వెల్లడించారు.

సూపర్ స్టార్ మహేష్ బాబుతో జేమ్స్ బాండ్, మిషన్ ఇంపాజిబుల్ తరహా సినిమాను చేయాలని అనుకుంటున్నానని ఆయన కామెంట్లు చేశారు. పవన్ కళ్యాణ్ తో సినిమా చేసే అవకాశం వస్తే ఆయనతో పొలిటికల్ డ్రామాను తెరకెక్కించాలని అనుకుంటున్నానని వీఐ ఆనంద్ చెప్పుకొచ్చారు. జూనియర్ ఎన్టీఆర్ తో పని చేసే అవకాశం వస్తే రా అండ్ రస్టిక్ మూవీని తీస్తానని ఆయన కామెంట్లు చేశారు. న్యాచురల్ స్టార్ నాని సినిమాకు డైరెక్షన్ చేస్తే ప్యూర్ లవ్ స్టోరీని తెరకెక్కిస్తానని వీఐ ఆనంద్ వెల్లడించారు.

అడివి శేష్ తో సస్పెన్స్ థ్రిల్లర్ తీయాలని ఉందని నిఖిల్ తో హారర్ కామెడీ మూవీ తీయాలని ఉందని ఆయన కామెంట్లు చేశారు. ఊరు పేరు భైరవకోన సినిమాకు రికార్డ్ స్థాయిలో కలెక్షన్లు వస్తున్నాయి. ఈ వీకెండ్ కు మంచి సినిమా చూడాలని భావించే వాళ్లకు ఈ సినిమానే ఫస్ట్ ఆప్షన్ గా నిలవనుంది. ఊరు పేరు భైరవకోన సినిమా సులువుగానే బ్రేక్ ఈవెన్ అయ్యే ఛాన్స్ ఉంది.

నిర్మాతలు రాజేష్ దండా, అనిల్ సుంకరలకు ఈ సినిమాతో మరో బ్లాక్ బస్టర్ హిట్ దక్కిందని నెటిజన్ల నుంచి కామెంట్లు వ్యక్తమవుతున్నాయి. సందీప్ కిషన్ భవిష్యత్తు ప్రాజెక్ట్ లతో ఎలాంటి ఫలితాన్ని అందుకుంటారో చూడాలి.

ఊరిపేరు భైరవ కోన సినిమా రివ్యూ & రేటింగ్!

‘దయా గాడి దండయాత్ర’ కి 9 ఏళ్ళు!
ఈ వీకెండ్ కి ఓటీటీలో సందడి చేయబోతున్న సినిమాలు/సిరీస్..ల లిస్ట్..!