హాట్ హాట్ ఫోజులతో అందరి దృష్టిని ఆకర్షించే మోడల్ దిశా పటాని లోఫర్ సినిమాతో తెలుగువారికి పరిచయమైంది. ఈ సినిమా విజయం సాధించకపోవడంతో బాలీవుడ్ కి వెళ్లిన ఈ భామ “ఎం.ఎస్.ధోని: అన్ టోల్డ్ స్టోరీ” లో మెరిసింది. తాజాగా భాగీ 2 అనే సినిమాలో టైగర్ ష్రాఫ్ కి జోడిగా నటిస్తోంది. విజయాలకంటే వివాదాలతోనే వార్తల్లో ఉండే దిశా.. నేడు హాట్ టాపిక్ అయింది. ఓ ప్రముఖ న్యూస్ ఛానల్ సోషల్ మీడియాలో దిశా పటానికి సంబందించిన రెండు ఫోటోలను కలిపి పోస్ట్ చేసింది. అందులో దిశా టీనేజ్ వయసులో స్కూల్ డ్రెస్ వేసుకొని ఉన్న ఫొటో ఒక వైపు ఉండగా.. మరో వైపు లేటెస్ట్ గా దిగిన ఒక హాట్ ఫొటో ఉంది. దానితో పాటు.. మీరు నమ్ముతారా ఇంత అగ్లీగా ఉన్న ఒక అమ్మాయి దిశాగా ఎలా మారిందో అని ఒక కామెంట్ ను పోస్ట్ చేసింది.
ఈ ఫోటోపై దిశా తనదైన శైలిలో స్పందించింది. ఆ ఫోటోని షేర్ చేస్తూ… “మీరు చెప్పింది నిజంగా చాలా కరెక్ట్. 7వ తరగతి చదువుతున్నప్పటి ఫొటో అది. ఇప్పుడు ఆ కాలానికి వెళ్లి మంచి గౌన్, మేకప్ వేసుకోలేను. అయినా మీకు దీని కన్నా మించి బ్రేకింగ్ న్యూస్ దొరకలేదా? ” అంటూ చురకలు అంటించింది. దిశా పటాని కౌంటర్ కి సదరు ఛానల్ వారికి దిమ్మతిరిగింది. నెటిజనులు ఆ టీవీఛానెల్ పై విమర్శలు గుప్పిస్తున్నారు. మీ పద్ధతి మార్చుకోవాలంటూ హితబోధ చేస్తున్నారు. ఇది జర్నలిజానికి సిగ్గుచేటు అంటూ ఘాటుగా ట్వీట్స్ చేస్తున్నారు.
Home