మలయాళంలో సూపర్ హిట్ అయిన ‘నాయట్టు’ చిత్రాన్ని తెలుగులో ‘కోట బొమ్మాళి P.S’ పేరుతో రీమేక్ చేస్తున్న సంగతి తెలిసిందే. ‘జి ఎ 2 పిక్చర్స్’ బ్యానర్ పై బన్నీ వాసు,విద్యా కొప్పినీడి కలిసి ఈ చిత్రాన్ని నిర్మిస్తున్నారు. సీనియర్ హీరో శ్రీకాంత్ మేక, వరలక్ష్మి శరత్‌కుమార్‌(ప్రత్యేక పాత్ర), రాహుల్ విజయ్, శివాని రాజశేఖర్ వంటి వారు ఈ చిత్రంలో నటిస్తున్నారు. వాస్తవానికి ఈ చిత్రాన్ని కరుణ కుమార్ డైరెక్ట్ చేయాలి కానీ ‘జోహార్’, ‘అర్జున ఫాల్గుణ’ వంటి చిత్రాలను తెరకెక్కించిన తేజ మార్ని దర్శకత్వం వహిస్తున్నాడు.
అలాగే రావు రమేష్ ప్లేస్ లో శ్రీకాంత్, అంజలి ప్లేస్ లో శివాని రాజశేఖర్ వచ్చి చేరారు.ఆల్రెడీ ఈ చిత్రం నుండి ‘లింగి లింగి లింగిడి’ అనే పాట ఫోక్ సాంగ్ రిలీజ్ అయ్యి చార్ట్ బస్టర్ అయిన సంగతి తెలిసిందే. ఈ చిత్రానికి కావలసిన మైలేజీని ఆ పాట తీసుకొచ్చింది. నవంబర్ 24న ఈ చిత్రం విడుదల కాబోతోంది. తాజాగా టీజర్ ని కూడా విడుదల చేసింది చిత్ర బృందం.
ఇక ఈ టీజర్ (Kota Bommali Ps) విషయానికి వస్తే.. ఇది దాదాపు 2 నిమిషాల నిడివి కలిగి ఉంది. ఇది కోట బొమ్మాళి అనే పోలీస్ స్టేషన్ కి చెందిన ముగ్గురు పోలీసుల కథ అని తెలుస్తుంది. ఆ పోలీసులు అనుకోకుండా ఓ మర్డర్ కేసులో ఇరుక్కోవడం.. తర్వాత వాళ్లకి ఎదురైన పరిస్థితులు.. ఈ క్రమంలో రాజకీయ నాయకులు చేసే కుట్రల.. నేపథ్యంలో ఈ సినిమా తెరకెక్కినట్టు తెలుస్తుంది. సీనియర్ హీరో శ్రీకాంత్ చాలా మాస్ గా కనిపిస్తూ బోల్డ్ డైలాగులు చెబుతున్నాడు.
వరలక్ష్మీ శరత్ కుమార్ పాత్ర చాలా పవర్ఫుల్ గా కనిపిస్తుంది. మురళీ శర్మ పాత్ర కూడా హైలెట్ అయ్యేలా ఉంది. శివాని, రాహుల్ విజయ్ పాత్రలు ఎమోషనల్ గా కనిపిస్తున్నాయి. మొత్తంగా ఒరిజినల్ తో పోలిస్తే చాలా మార్పులు చేసినట్లు టీజర్ చెబుతుంది. టీజర్ ను మీరు కూడా ఓ లుక్కేయండి :
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
