బాలయ్య అభిమానుల ‘కోరిక’ తీరుస్తాడా???

నందమూరి నట సింహం బాలకృష్ణ, యంగ్ టైగర్ ఎన్టీఆర్ ఇద్దరి మధ్య కోల్డ్ వార్ నడుస్తున్న సంగతి అందరికీ తెలిసిందే. అయితే ఈ ఏడాది సంక్రాటి బరిలోకి దిగిన ఇద్దరూ ఎవరికి రేంజ్ కి తగ్గట్టు వారు హిట్స్ సాధించి టాలీవుడ్ లో నందమూరి నట వారసుల రేంజ్ ను మరోసారి ఇండస్ట్రీకి తెలియజేశారు. ఇదిలా ఉంటే ఈ ఇరువు మధ్య కోల్డ్ వార్ చిలికి చిలికి గాలివానగా మారి చివరకు అభిమానులు సైతం ఒకరిపై ఒకరు కామెంట్స్ చేసుకుంటూ శత్రువుల్లా మారిపోయారు. అయితే ఈ క్రమంలో ఎన్టీఆర్ చేస్తున్న కొన్ని పనులు బాలయ్య అభిమానులను కాస్త ఇబ్బంది పెట్టేలా కనిపిస్తున్నాయి…

విషయం లోకి వెళితే….జూనియర్ నటిస్తున్న ‘జనతా గ్యారేజ్’ ఫస్ట్ లుక్ ఈనెల 20న జూనియర్ పుట్టినరోజు నాడు విడుదల అవుతూ ఉంటే నందమూరి తారకరామారావు పుట్టినరోజు అయిన మే 28న ‘జనతా  గ్యారేజ్’ టీజర్ విడుదల కాబోతోంది. అంటే ఈ నెల అంతా ఎన్టీఆర్ హంగామా అన్న మాట…మరో పక్క మన నటసింహం బాలయ్య మాత్రం మౌనంగా ఉన్నట్లు, ఆయన హంగామా ఏమాత్రం కనిపించదు అన్నట్లుగా తెలుస్తుంది. దానికి కారణం ‘గౌతమీపుత్ర శాతకర్ణి’ షూటింగ్ నిమిత్తం బాలకృష్ణ మొరాకోలో ఉన్న నేపధ్యంలో ఈనెల 28న జరగబోతున్న ఎన్టీఆర్ జయంతి వేడుకలలో అదేవిధంగా తెలుగుదేశం పార్టీ ‘మహానాడు’ వేడుకలలో ఎక్కడా బాలయ్య సందడి కనిపించ కుండా ఉండడమే కారణంగా కనిపిస్తుంది. ఇక ఈ విషయంలో బాలయ్య అభిమానులు కాస్త నిరుత్సాహంలో ఉన్నట్లు సమాచారం. దీనితో ఏదో ఒకటి చెయ్యాలి అన్న ఆలోచనతో, నందమూరి తాటక రామరావు పుట్టిన రోజునాడు కనీసం ‘గౌతమీ శాతకర్ణి’ షూటింగ్ వర్కింగ్ స్టిల్స్ విడుదల చేసి తమకు జోష్ కలిగిస్తే బాగుంటుందని బాలకృష్ణ అభిమానులు కోరుకుంటున్నట్లు వార్తలు వస్తున్నాయి. మరి దీనిపై బాలయ్య ఏమంటాడో…చూడాలి.