ప్రభాస్ లాంటి పాన్ ఇండియా స్టార్ నెక్స్ట్‌సినిమా.. మారుతితోనా? ఈ మాట గత కొన్ని రోజులుగా సోషల్‌ మీడియాలో తెగ వినిపిస్తోంది. మారుతికి గతంలో స్టార్ హీరోలను హ్యాండిల్‌ చేసిన అనుభవం లేకపోవడం, చేసిన ఒక సినిమా కాస్త ఫ్లాప్‌ అవ్వడంతో ఈ మాటలు అంటున్నారు. అయితే ఇలా అనుకుంటున్న అందరి కోసం మారుతి ఫీస్ట్‌లు రెడీ చేస్తున్నారని అంటున్నారు సన్నిహితులు. ప్రభాస్‌ను ఇదివరకు ఎవరూ చూపించనంత కూల్‌ లుక్‌ అండ్ బెస్ట్‌ క్యారెక్టర్‌లో చూపించాలని ఫిక్స్‌ అయ్యారట.
ఈ క్రమంలో ప్రభాస్‌ను సినిమాలో డబుల్ రోల్‌లో చూపించాలని మారుతి ఫిక్స్‌ అయ్యారట. ఈ మేరకు కథలో కొన్ని మార్పులు చేస్తున్నారని టాక్‌. ఈ సినిమా గురించి ప్రాథమికంగా వచ్చిన పుకార్లలో.. ఇది తాతమనవల కథ అని అన్నారు. ఇప్పుడు అదే కథలో తాతను మార్చేస్తున్నారట. అంటే.. ఆ తాత పాత్రలో కూడా ప్రభాసే కనిపిస్తాడు అని టాక్‌ నడుస్తోంది. అయితే తాత పాత్రను ముసలివాడిగా చూపించకుండా.. యంగ్‌ లుక్‌లోనే చూపిస్తారట.
అలా ఈ సినిమాలో ప్రభాస్ డబుల్ రోల్‌లో కనిపిస్తాడని టాక్‌. రెండు పాత్రలకు డిఫరెంట్‌ అప్రోచ్‌, లుక్‌, స్టైల్‌ ఉంటుందని టాక్‌. త్వరలో సినిమాకు సంబంధించిన లుక్స్‌ టెస్ట్‌ కూడా పూర్తి చేస్తారట. అప్పుడు ఇంకొన్ని విషయాలు బయటకు వచ్చేలా ఉంది. ఇక ఈ చిత్రంలో న‌లుగురు హీరోయిన్లు ఉంటార‌ని చాలా రోజులుగా వినిపిస్తోంది. అందులో ఒకరు మాళవిక మోహనన్ కాగా.. మరొకరు నిధి అగర్వాల్. మిగిలిన ఇద్దరు హీరోయిన్లు ఎవరనే విషయంలో క్లారిటీ లేదు.
అలాగే కీల‌క పాత్ర కోసం బాలీవుడ్‌ బ్యాడీ సంజ‌య్ ద‌త్ పేరు ప‌రిశీలిస్తున్నారట. త్వరలో ఈ పాత్రపై గ్రాండ్‌ అనౌన్స్‌మెంట్‌ ఉంటుందట. ఇక సినిమాకు ‘రాజా డీలక్స్’ అనే పేరు అనుకుంటున్న విషయం తెలిసిందే. తొలుత హారర్‌ కామెడీ అనుకున్న ఈ సినిమాను క్రైమ్‌ కామెడీగా మార్చేశారట. వజ్రాల దోపిడీ మెయిన్ ప్లాట్‌గా సినిమా సాగుతుందట. నిజానికి ఈ సినిమా ఆలస్యం కావడానికి కథలో మార్పులే ముఖ్య కారణం అని అంటున్నారు.
Most Recommended Video
ఎన్టీఆర్ – సావిత్రి టు చిరు- నయన్.. భార్యాభర్తలుగా చేసి కూడా బ్రదర్- సిస్టర్ గా చేసిన జంటలు..!
తన 44 ఏళ్ల కెరీర్లో చిరంజీవి రీమేక్ చేసిన సినిమాలు మరియు వాటి ఫలితాలు..!
సౌందర్య టు సమంత.. గర్భవతి పాత్రల్లో అలరించిన హీరోయిన్ల లిస్ట్..!
