మలయాళంలో బ్లాక్ బస్టర్ హిట్ గా నిలిచిన దృశ్యం సినిమాను తెలుగులో రీమేక్ చేసి వెంకటేష్ ఘన విజయాన్ని సొంతం చేసుకున్నారు. దృశ్యం సినిమాకు సీక్వెల్ గా మలయాళంలో దృశ్యం2 తెరకెక్కగా ఆ సినిమా రీమేక్ లో కూడా వెంకటేష్ నటించారు. ఇప్పటికే దృశ్యం2 షూటింగ్ పూర్తి కాగా ఈ సినిమాకు రిలీజ్ డేట్ ఫిక్స్ కావాల్సి ఉంది. ఈరోజు ఉదయం 10.08 గంటలకు దృశ్యం2 ఫస్ట్ లుక్ రిలీజ్ చేస్తామని మేకర్స్ కొన్నిరోజుల క్రితం ప్రకటించారు.
అయితే కొన్ని అనుకోని కారణాల వల్ల దృశ్యం2 ఫస్ట్ లుక్ పోస్టర్ రిలీజ్ ను వాయిదా వేస్తున్నామని సురేష్ ప్రొడక్షన్స్ ట్విట్టర్ ఖాతా నుంచి ప్రకటన వెలువడింది. ఈ ప్రకటన గురించి తెలిసి అవాక్కవడం నెటిజన్ల వంతవుతోంది. ఫస్ట్ లుక్ రిలీజ్ చేయడం కూడా కష్టమైన పనా? అంటూ నెటిజన్లు కామెంట్లు చేస్తుండటం గమనార్హం. మరికొందరు లేజీ ప్రొడక్షన్ హౌస్ అంటూ ప్రొడక్షన్ హౌస్ గురించి కామెంట్లు పెడుతున్నారు. అయ్యప్పనుమ్ కోషియమ్ రీమేక్ లో డేనియల్ శేఖర్ పాత్రలో నటిస్తున్న రానా టీజర్ రిలీజవుతున్న నేపథ్యంలో దృశ్యం2 మేకర్స్ ఫస్ట్ లుక్ విషయంలో వెనక్కు తగ్గారని ఇండస్ట్రీ వర్గాల్లో వినిపిస్తోంది.
ఒకేరోజు ఇద్దరు దగ్గుబాటి హీరోల సినిమాల అప్ డేట్స్ వస్తే రెండు సినిమాలకు నష్టమే అని దృశ్యం2 మేకర్స్ భావించినట్టు భోగట్టా. దృశ్యం2 దసరా కానుకగా రిలీజయ్యే అవకాశాలు ఉన్నాయని వార్తలు వస్తున్నాయి. దృశ్యం2 సినిమా థియేటర్లలోనే రిలీజ్ కానుందని సమాచారం.
Most Recommended Video
‘బిగ్ బాస్5’ మానస్ గురించి ఈ 10 విషయాలు మీకు తెలుసా?
‘బిగ్ బాస్5’ లహరి షెరి గురించి ఈ 10 విషయాలు మీకు తెలుసా?
‘బిగ్ బాస్5’ ప్రియా గురించి ఈ 12 విషయాలు మీకు తెలుసా?
Home