రాక్ స్టార్ దేవి శ్రీ ప్రసాద్ కు ఏ రేంజ్ ఫ్యాన్ ఫాలోయింగ్ ఉందో ప్రత్యేకంగా చెప్పనక్కర్లేదు. ఆయన మ్యూజిక్ డైరెక్టర్స్ లో పెద్ద స్టార్ అనే చెప్పాలి. అయితే ప్రస్తుతం ఆయన ఫామ్ లో లేడు. డైరెక్టర్స్ ఆయన్ని సరిగ్గా ఉపయోగించుకోవడం లేదో ఏమో కానీ.. ఈ మధ్య ఆయన నుండీ ఆశించిన స్థాయిలో మంచి మ్యూజిక్ రావడం లేదు. ఈ మధ్య కాలంలో దేవి కి ఎక్కువ అవకాశాలు ఇచ్చిన హీరో ఒక్క మహేష్ బాబు మాత్రమే. ‘భరత్ అనే నేను’ ‘మహర్షి’ ‘సరిలేరు నీకెవ్వరు’ అంటూ వరుసగా ఆఫర్లు ఇచ్చాడు. ఒక్క ‘భరత్ అనే నేను’ సినిమాని పక్కన పెడితే మిగిలిన రెండు సినిమాలకి దేవి నిరాశ పరిచాడనే చెప్పాలి.
దీంతో మహేష్ తరువాతి సినిమాకి దర్శక నిర్మాతలు దేవి ని పక్కన పెట్టాలని డిసైడ్ అయ్యరట. మహేష్ తన 27వ చిత్రాన్ని వంశీ పైడిపల్లి డైరెక్షన్లో చేయబోతున్న సంగతి తెలిసిందే. ఈ చిత్రానికి దిల్ రాజు నిర్మాత. ఈ క్రమంలో మొదట దేవినే ఈ ప్రాజెక్ట్ కు మ్యూజిక్ డైరెక్టర్ అని అనౌన్స్ చేసారు. కానీ ఇప్పుడు దేవి ని తప్పించి తమన్ ను తీసుకున్నట్టు వస్తున్నాయి. ఈ విషయాన్ని తమన్ తన ఫ్యాన్స్ కు తెలియజేశాడట. అయితే దర్శక నిర్మాతలు మహేష్ కు ఇంకా ఈ విషయాన్ని చెప్పలేదని కూడా సమాచారం. ఫైనల్ గా మహేష్ నిర్ణయం పైనే డిసైడ్ అయ్యి ఉంటుందనేది ఫిలింనగర్ విశ్లేషకుల సమాచారం.
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
ఎంత మంచివాడవురా సినిమా రివ్యూ & రేటింగ్!
Home