Dulquer Salmaan: ఓ మహిళ వీరాభిమానంపై దుల్కర్‌ సల్మాన్‌ కామెంట్స్‌… ఏమన్నాడంటే?

కుర్రాళ్ల హడావుడి, ఆకతాయిల పిచ్చి చేష్టల వల్ల ఇబ్బందిపడిన హీరోయిన్లు మనం చూస్తుంటాం. కొందరు అక్కడే రియాక్ట్‌ అయిపోతే.. ఇంకొందరు మాత్రం తర్వాత తమకు జరిగిన చేదు అనుభవాల గురించి మాట్లాడుతుంటారు. అయితే ఇవి కేవలం హీరోయిన్లు, నటీమణుల కాదు.. హీరోలు, నటులకు కూడా ఉంటాయి. ఏంటీ డౌటా? అయితే రీసెంట్‌గా దుల్కర్‌ సల్మాన్‌ చెప్పిన విషయం మీకు గుర్తు చేయాల్సిందే. ఆ విషయం తెలిస్తే ఇలా కూడా ఉంటుందా అనిపించకమానదు.

ఓ అభిమాని ప్రవర్తన వల్ల ఎంతో ఇబ్బందిపడ్డానని (Dulquer Salmaan) దుల్కర్‌ సల్మాన్‌ మొన్నీమధ్య చెప్పాడులెండి. తాను స్టేజ్‌పై ఉన్నప్పుడు ఓ మహిళ తనని ఇబ్బందికరంగా పట్టుకుందని ఆ రోజు జరిగిన విషయాన్ని గుర్తు చేసుకున్నాడు. ‘ఓకే కణ్మణి’, ‘సీతారామం’ సినిమాల తర్వాత కేరళలో లేడీ ఫ్యాన్‌ ఫాలోయింగ్‌ పెరిగిందని చెప్పిన దుల్కర్‌… అభిమానుల వల్ల ఇబ్బందిపడిన సందర్భాలు కూడా ఉన్నాయని చెబుతూ ఆ రోజు విషయం గుర్తు చేసుకున్నాడు.

ప్రేక్షకుల మధ్యకు ఓసారి సినిమా ప్రచారం కోసం వెళ్లినప్పుడు కొంతమంది మహిళలు ఫొటో తీసుకుంటానంటూ బుగ్గపై ముద్దు పెట్టాలని చూస్తుంటారని తన ఇబ్బంది గురించి చెప్పాడు దుల్కర్‌. వాళ్ల ప్రవర్తనతో ఆశ్చర్యపోయేవాడినని కూడా అన్నాడు. అలా ఓసారి ఒక పెద్దావిడ వల్ల ఎంతో ఇబ్బంది పడ్డానని తెలిపారు. ఆమె తనను అభ్యంతరకరంగా తాకిందని, దాంతో బాధనిపిచిందని దుల్కర్‌ వివరించాడు. ఇక వ్యక్తిగత జీవితం గురించి చెబుతూ…

28 ఏళ్ల వయసులోనే తనకు పెళ్లి అయిందని, తన భార్య అమాల్‌ సోఫియా, తాను స్కూల్‌ మేట్స్‌ అని చెప్పాడు. ఆమెను కలిసినప్పుడే ఆమె తన జీవితం, కుటుంబంలో భాగమని అని అర్థమైపోయిందని పొయెటిక్‌గా చెప్పుకొచ్చాడు దుల్కర్‌. అలాగే తన పెళ్లి, కెరీర్‌ ఒకే సమయంలో మొదలయ్యాయని చెప్పాడు. పెళ్లి అయిన కొద్ది రోజుల్లోనే రెండో సినిమా షూట్‌లో పాల్గొన్నానని గుర్తు చేసుకున్నాడు. అందుకే సినిమాల గ్యాప్‌ దొరికితే చాలు కుటుంబంతో ట్రిప్పులకు వెళ్తానని తెలిపాడు.

మిస్టర్ ప్రెగ్నంట్ సినిమా రివ్యూ & రేటింగ్!

ప్రేమ్ కుమార్ సినిమా రివ్యూ & రేటింగ్!
గత 10 సినిమాల నుండి రజనీకాంత్ సినిమాల థియేట్రికల్ పెర్ఫార్మన్స్ ఎలా ఉందంటే?