Sigma: ‘సిగ్మా’ తొలి హీరో సందీప్‌ కిషన్‌ కాదు.. ఆయన కాదనుకుంటేనే..

ఎప్పుడో రావాల్సిన సినిమా.. ఇంకా రాలేదు.. ఇప్పుడు కొత్త డేట్ పట్టుకుని వస్తాం అంటున్నారు. ఇప్పుడు చేస్తున్న ప్రచారం చూస్తుంటే ఈ సారి వచ్చేలానే ఉన్నారు. ఎందుకంటే ప్రీరిలీజ్‌ ఈవెంట్ వరకు ఈ సారి ప్రచారం వచ్చింది. అందులో ప్రముఖ కథానాయకుడు చిరంజీవి ఇప్పుడు ఈ సినిమా తెలుగు ప్రీరిలీజ్‌ ఈవెంట్‌కి వస్తున్నారు. ఆయనెందుకు వస్తున్నారు అనేది తర్వాత చూద్దాం. ఇంతగా ప్రచారం చేస్తున్నారు కాబట్టి సినిమా రిలీజ్‌ ఈసారి ఉంది. ఆ విషయం పక్కన పెడితే ఇప్పుడు ఇంకే మేటర్‌ బయటకు వచ్చింది. ఆ సినిమానే సందీప్‌ కిషన్‌ – ఫరియా అబ్దుల్లా – జేసన్‌ సంజయ్‌ ‘సిగ్మా’.

Sigma

‘సిగ్మా’ సినిమాను తనతో జేసన్‌ సంజయ్‌ తీయడం చాలా పెద్ద విషయం అంటూ సందీప్‌ కిషన్‌ గత కొన్ని రోజులుగా చెబుతూనే ఉన్నారు. దీనికి వెనుక కారణం ఆయన చెప్పలేదు కానీ.. ఇప్పుడు జేసన్‌ ఆ మాటలు వింటే కచ్చితంగా చాలా పెద్ద విషయమే అని చెప్పొచ్చు. ఎందుకంటే ఆ పాత్ర కోసం జేసన్‌ తొలుత అనుకున్నది దుల్కర్‌ సల్మాన్‌ని కాబట్టి. ఈ కథ పట్టుకుని కొన్ని నెలల క్రితం జేసన్‌ సంజయ్‌ దుల్కర్‌ దగ్గరకు వెళ్లారట. ఆయన కథ విని బాగుందని చెప్పి, కొన్ని మార్పులు కూడా చెప్పారట.

అయితే, ఆ మార్పులు చేసేలోపు దుల్కర్‌ వేరే సినిమాలకు కమిట్‌ అయ్యారని.. దాంతో ‘సిగ్మా’ ముందుకు వెళ్లలేదు అని సంజయ్‌ ఇటీవల చెప్పుకొచ్చారు. ఆ తర్వాత సందీప్ కిషన్‌ తెర మీదకు వచ్చాడు. ఇప్పుడు చెప్పండి దుల్కర్‌ లాంటి హీరో చేయాల్సిన పాత్రను సందీప్‌ చేయడం పెద్ద విషయమే కదా. అయితే సినిమా ఎందుకో విడుదల విషయంలో లేట్‌ అవుతోంది. ఈ లెక్కన ఫలితం మీద అనుమనాలూ ఉన్నాయి. చూద్దాం మరేమవుతుందో.

ఇక చిరంజీవి పాయింట్‌కి వస్తే.. ఈ సినిమాను తెలుగులో రెండు పెద్ద నిర్మాణ సంస్థలు తెలుగులో విడుదల చేస్తున్నాయి. ఒకటి చిరంజీవి సన్నిహితుడు, ప్రముఖ నిర్మాత ఎన్వీ ప్రసాద్‌కి చెందిన ఎన్‌వీఆర్‌ సినిమాస్‌, మరొకటి మైత్రీ మూవీ మేకర్స్‌. ఈ నేపథ్యంలో చిరంజీవి వస్తున్నారని టాక్‌.

అనుమాన ప‌క్షి సినిమా రివ్యూ & రేటింగ్!