అమెజాన్, నెట్‌ఫ్లిక్స్, హాట్ స్టార్ వంటి బడా సంస్థలు ఓటీటీ మార్కెట్‌లో దూసుకెళ్తున్న వేళ తెలుగు వారి సత్తాను మరోసారి ప్రపంచానికి చాటిచెప్పింది ఆహా. నానాటికీ విస్తరిస్తోన్న ఓటీటీ సెక్టార్‌తో తెలుగు వారి స్టామినా ఏంటో చూపించేందుకు రంగప్రవేశం చేసిన ఆహా మంచి ఆదరణతో బడా సంస్థలకు సైతం పొటీ ఇస్తోంది. సినిమాలు, వెబ్ సీరిస్‌, ఒరిజినల్స్ ఇతర క్వాలిటీ కంటెంట్‌తో ఆహా మంచి వినోదాన్ని అందజేస్తోంది. తెలుగులో ఇచ్చిన సక్సెస్ జోష్‌తో ఇటీవలే తమిళ మార్కెట్‌లోనూ అడుగుపెట్టింది ఆహా.
తెలుగువారికి ఎప్పటికప్పుడు కొత్తదనాన్ని పరిచయం చేయాలనే ఉద్దేశంతో వెరైటీ ఎంటర్‌టైన్‌మెంట్‌ను అందజేస్తోంది. దీనిలో భాగంగా తమిళ, మలయాళ భాషలకు చెందిన పలు సినిమాలను డబ్ చేసి స్ట్రీమింగ్ చేస్తోంది. తాజాగా మరో కొత్త సినిమాను ప్రేక్షకుల ముందుకు తీసుకొచ్చింది. మలయాళ సూపర్‌స్టార్ ఫాహాద్ ఫాజిల్ లీడ్ రోల్‌లో నటించిన ‘‘తొందిముతలం ద్రిక్షక్షియమ్’’ అనే సినిమాను తెలుగులో ‘‘దొంగాట’’ పేరిట రిలీజ్ చేయనున్నారు. 2017లో మల్లూవుడ్‌లో రిలీజైన ఈ సినిమా విమర్శకుల ప్రశంసలతో పాటు..
వసూళ్ల పంట పండించింది. అంతేకాదు .. ఆ ఏడాది ఉత్తమ మలయాళ చిత్రంగా నేషనల్ అవార్డ్ సైతం అందుకుంది. ఈ సినిమాను తెలుగు వారికి కూడా అందించాలనే ఉద్దేశంతో ‘ఆహా’ మే 6 నుంచి దొంగాటను స్ట్రీమింగ్ చేయనుంది. ఇప్పటికే ఓటీటీ మార్కెట్‌లో మలయాళ కంటెంట్‌కు మంచి ఆదరణ దక్కుతున్న వేళ.. దొంగాట కూడా తెలుగు ప్రేక్షకులను ఆకట్టుకుంటుందని ‘ఆహా’ నిర్వాహకులు ఆకాంక్షిస్తున్నారు. దీనికి సంబంధించిన ట్రైలర్‌ను తాజాగా రిలీజ్ చేశారు.
ఇందులో ఇద్దరి ప్రేమ కథ, దీనికి అమ్మాయి తల్లిదండ్రుల నిరాకరించడాన్ని చూపించారు. అలా సాగుతున్న వేళ.. బస్సులో హీరోయిన్ మెడలో నుంచి ఫాహద్ ఫాజిల్ చైన్ దొంగతనం చేయడంతో కథ మలుపు తిరుగుతుంది. మరి చైన్ ఏమైంది, ప్రియుడితో హీరోయిన్ పెళ్లి జరిగిందా, ఫాహద్ ఫాజిల్ ఎవరు తెలియాలంటే మే 6 వరకు వెయిట్ చేయాల్సిందే. ఈ చిత్రంలో ఫాహద్ ఫాజిల్‌తో పాటు నిమిషా సాజయన్, సూరజ్ వెంజారమూడు కీలక పాత్రలు పోషించారు. దైలీష్ పోతన్ దర్శకత్వం వహించగా.. సందీప్ సేనన్, అనీష్ ఎం థామస్ నిర్మాతలుగా వ్యవహరించారు.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
