ఇండిపెండెన్స్ డే కానుకగా ఎక్కువ సంఖ్యలో సినిమాలు విడుదలైనా ఆ సినిమాలలో ఏ సినిమాకు కూడా రికార్డ్ స్థాయిలో కలెక్షన్లు రావడం లేదు. నిన్న విడుదలైన సినిమాలలో చాలా సినిమాలకు థియేటర్లలో ఆశించిన స్థాయిలో ఆక్యుపెన్సీ కనిపించడం లేదు. ఈ పరిస్థితి మారాలంటే దేవర (Devara) మూవీ విడుదలయ్యే వరకు ఆగాల్సిందేనని కామెంట్లు వ్యక్తమవుతూ ఉండటం గమనార్హం. ఈ ఏడాది విడుదలవుతున్న క్రేజీ పాన్ ఇండియా సినిమాలలో దేవర ఒకటి కాగా దేవర సినిమాపై అంచనాలు అంతకంతకూ పెరుగుతున్నాయి.
అనిరుధ్ మ్యూజిక్ (Anirudh Ravichander) , కొరటాల శివ (Koratala Siva) డైరెక్షన్ ఈ సినిమాకు ప్లస్ అవుతున్నాయి. దేవర మాస్ సినిమా అయినప్పటికీ ఈ సినిమా బ్యాక్ డ్రాప్ కొత్తగా ఉంటుందని ఫ్యాన్స్ ను కచ్చితంగా ఈ సినిమా అలరిస్తుందని సోషల్ మీడియా వేదికగా కామెంట్లు వినిపిస్తున్నాయి. కొరటాల శివ ఈ సినిమాతో సక్సెస్ ట్రాక్ లోకి రావడం పక్కా అని నెటిజన్లు కామెంట్లు చేస్తుండగా ఆ కామెంట్లు నెట్టింట హాట్ టాపిక్ అవుతున్నాయి.
దేవర సినిమా విషయంలో హీరో ఎన్టీఆర్ (Jr NTR) , నిర్మాత నందమూరి కళ్యాణ్ రామ్ (Kalyan Ram) సైతం కాన్ఫిడెన్స్ తో ఉన్నారని తెలుస్తోంది. ఈ సినిమాకు సంబంధించి త్వరలో మరిన్ని క్రేజీ అప్ డేట్స్ వచ్చే అవకాశాలు అయితే ఉన్నాయని సమాచారం అందుతోంది. దేవర సినిమా ట్రైలర్, ప్రీ రిలీజ్ ఈవెంట్ కోసం కూడా అభిమానులు ఒకింత ఆసక్తిగా ఎదురుచూస్తున్నారు.
దేవర ట్రైలర్ విడుదలైతే ఈ సినిమా ఎలా ఉండబోతుందో పూర్తిస్థాయిలో క్లారిటీ రానుంది. జాన్వీ కపూర్ ఈ సినిమాపై ఎన్నో ఆశలు పెట్టుకున్నారు. ఈ సినిమా ప్రమోషన్స్ కోసం కూడా జాన్వీ కపూర్ (Janhvi Kapoor) ఎక్కువ డేట్స్ కేటాయించనున్నారని సమాచారం అందుతోంది. ఆడియన్స్ అంచనాలను మించి దేవర మూవీ సంచలనాలు సృష్టిస్తుందేమో చూడాల్సి ఉంది.
