విశాల్ సినిమాకి ఫ్యాన్స్ సెక్యూరిటీ!

తమ స్టార్ హీరోల సినిమాలు విడుదలవుతుంటే థియేటర్ల దగ్గర హడావుడి చేసే అభిమానుల్ని చూసి ఉంటారు, లేదా తమ హీరో పోస్టర్స్, ఫ్లెక్శీలకు పాలాభిషేకాలు, పూల మాలలు వేసే ఫ్యాన్స్ ను చూసి ఉంటారు. కానీ.. తమిళంతోపాటు తెలుగులోనూ సమానమైన క్రేజ్ ఉన్న విశాల్ అభిమానులు మాత్రం ఈ హడావుడ్లకి దూరంగా ఉంటూ.. తమ హీరో సినిమా పైరసీ కాకుండా బాధ్యతను తీసుకొన్నారు.

విశాల్ కథానాయకుడిగా విభిన్న చిత్రాల దర్శకుడు మిస్కిన్ తెరకెక్కించిన “తుప్పరివాలన్” అనే సినిమా రేపు విడుదలవుతోంది. హాలీవుడ్ పాపులర్ డిటెక్టివ్ స్టోరీ “షెరలాక్ హోల్మ్స్” ఫార్మాట్ లో తెరకెక్కిన ఈ చిత్రం నేడు కొన్ని ప్రీమియర్ షోస్ ప్రదర్శితమయ్యాయి. మంచి పాజిటివ్ టాక్ సొంతం చేసుకొన్న ఈ సినిమా పైరసీ బారిన పడకుండా ఉండడం కోసం విశాల్ ఫ్యాన్స్ అందరూ తమిళనాట అన్నీ థియేటర్లలోనూ కాపలా కాస్తున్నారట. ఈ ఫార్మాట్ ను మన తెలుగు సినిమా హీరోల ఫ్యాన్స్ కూడా ఫాలో అయితే.. ఈ పైరసీ బాధ తగ్గే అవకాశాలు లేకపోలేవు.

Also, do SUBSCRIBE to our YouTube channel to get latest Tollywood updates.