పవన్ కి ఫ్యాన్స్ సూచన!

తెలుగు హీరోల్లో అత్యధిక ఫ్యాన్స్ ఉన్న హీరో పవన్ కళ్యాణ్. అయితే ఇప్పుడు పవన్ తీసుకున్న నిర్ణయం వలన ఆయన ఫ్యాన్స్ చాలా వర్రీ అవుతున్నారట. రీసెంట్ గా రిలీజ్ అయిన ‘సర్దార్ గబ్బర్ సింగ్’ సినిమాకు మిశ్రమ స్పందన లభించింది. అనుకున్న వసూళ్లను కూడా సాధించలేని పరిస్థితి. ఇది ఇలా ఉండగా ప్రస్తుతం పవన్ తన తదుపరి సినిమా కోసం కసరత్తులు మొదలుపెట్టాడు. ఈ నెలాఖరి నుండి ఎస్.జె.సూర్య దర్శకత్వంలో ఫ్యాక్షనిస్ట్ లవ్ స్టోరీ బ్యాక్ డ్రాప్ లో సినిమాను ప్రారంభించనున్నట్లు సమాచారం. అయితే ఈ విషయం విన్న పవన్ ఫ్యాన్స్ మరింత కంగారు పడుతున్నారని మాట్లాడుకుంటున్నారు. ఎందుకంటే గతంలో పవన్ కి ఎస్ జె సూర్య..కొమరం పులి వంటి అతి పెద్ద డిజాస్టర్ చిత్రం ఇచ్చారు. అంతేకాకుండా ఆయన తమిళంలో చేసిన సినిమాలు కూడా ఏమీ ఆడలేదు. దీంతో పవన్ ఒక సారి ఈ విషయం గురించి ఆలోచిస్తే మంచిదని ఫ్యాన్స్ సలహాలు ఇస్తున్నారు.

https://www.youtube.com/watch?v=XcLtAib99eg