జనసేన అధినేత, డిప్యూటీ సీఎం పవన్ కళ్యాణ్ కు (Pawan Kalyan) ప్రేక్షకుల్లో ఉన్న క్రేజ్ అంతాఇంతా కాదు. పవన్ కళ్యాణ్ సినిమాల కోసం ప్రేక్షకులు ఒకింత ఆసక్తిగా ఎదురుచూస్తున్నారు. త్వరలో పవన్ కళ్యాణ్ ఓజీ (OG) మూవీ షూట్ మొదలుకానుందని విజయవాడలో వేసిన సెట్ లో ఈ సినిమా షూటింగ్ జరగనుందని తెలుస్తోంది. వచ్చే ఏడాది పవన్ నటించిన రెండు సినిమాలు రిలీజ్ కావడం పక్కా అని తెలుస్తోంది.
అయితే మరోవైపు పవన్ కళ్యాణ్ అభిమాని ఒకరు పవన్ పై తనకు ఉన్న అభిమానాన్ని విభిన్నంగా చాటుకున్నారు. ఒక రైతు పవన్ ఫోటోకు పూజ చేసి వరినాట్లు వేశారు. సాధారణంగా తమిళనాడు రాష్ట్రంలో ఇలాంటి సంస్కృతి ఉంటుంది. రైతులు వ్యవసాయ పనులు మొదలుపెట్టే సమయంలో ఇష్ట దైవానికి పూజలు చేసి పనులను ప్రారంభిస్తారు. పవన్ కళ్యాణ్ ను ఆయన అభిమానులు దేవుడిలా కొలుస్తున్నారని కామెంట్లు వ్యక్తమవుతున్నాయి.
గోదావరి జిల్లాకు చెందిన రైతు ఈ విధంగా చేశాడని కామెంట్లు వినిపిస్తున్నాయి. పవన్ కళ్యాణ్ భవిష్యత్తు సినిమాలకు ఒకింత భారీ స్థాయిలో బిజినెస్ జరుగుతోందని సమాచారం అందుతోంది. పవన్ భవిష్యత్తు సినిమాలతో బ్యాక్ టు బ్యాక్ కెరీర్ బిగ్గెస్ట్ హిట్లను అందుకుంటారని ఫ్యాన్స్ భావిస్తున్నారు.
పవన్ కళ్యాణ్ కు పొలిటికల్ గా సాధించిన విజయాల వల్ల పాన్ ఇండియా స్థాయిలో మంచి గుర్తింపు దక్కగా పవన్ భవిష్యత్తు సినిమాలు పాన్ ఇండియా స్థాయిలో సరికొత్త రికార్డులు క్రియేట్ చేయడం ఖాయమని కామెంట్లు వినిపిస్తున్నాయి. పవన్ పారితోషికం 50 నుంచి 60 కోట్ల రూపాయల రేంజ్ లో ఉందని తెలుస్తోంది. పవన్ కళ్యాణ్ షూటింగ్స్ తో బిజీ అయితే అభిమానుల ఆనందానికి అవధులు ఉండవు. పవన్ కళ్యాణ్ ప్రజలకు మెరుగైన పాలన అందించడం కోసం తన వంతు కృషి చేస్తూ ప్రశంసలు అందుకుంటున్నారు.
Home