యంగ్ టైగర్ ఎన్టీఆర్ మాస్ ప్రేక్షకులను దృష్టిలో పెట్టుకొని చేస్తున్నయాక్షన్ చిత్రం ”జనతా గ్యారేజ్ ”. హ్యాట్రిక్ అందుకునే దిశగా కొరటాల శివ ఈ సినిమాను అన్ని హంగులతో తెరకెక్కిస్తున్నారు. మైత్రి మూవీ మేకర్స్ వారు నిర్మిస్తున్న ఈ మూవీ టీజర్ ని ఈరోజు సాయంత్రం రిలీజ్ చేయనున్నారు. ఇందుకోసం అభిమానులు ఎదురుచూస్తున్నారు. జనతా గ్యారేజ్ ఫస్ట్ లుక్ లో ఎన్టీఆర్ కొత్తగా కనిపించి సంచలనం సృష్టించారు. సినిమా ఎలా ఉండబోతుందోనని ఊరించారు. ఈసారి టీజర్లో పవర్ ఫుల్ డైలాగ్ చెప్పి సినిమాపై అంచనాలను పెంచనున్నట్లు అభిమానులు భావిస్తున్నారు. జనతా గ్యారేజ్ వచ్చేనెల 12 న రిలీజ్ కానుంది, ఆ రోజు మాకు పెద్ద పండుగ అయితే నేడు చిన్న పండుగ అని తారక్ అభిమానులు ఆనందంగా చెబుతున్నారు.
మలయాళ సూపర్ స్టార్ మోహన్ లాల్ ప్రత్యేక పాత్రలో నటిస్తున్న ఈ చిత్రంలో ఎన్టీఆర్ సరసన సమంత, నిత్యా మీనన్ లు ఆడి పాడనున్నారు. అలనాటి హీరోయిన్ దేవయాని ఇందులో కీలక పాత్రలో కనిపించనున్నారు. రెండు పాటలు మినహా చిత్రీకరణ పూర్తి చేసుకున్న ఈ సినిమా ఆడియోను ఈ నెల 22న రిలీజ్ చేయనున్నారు.
Home