మరికొన్నిరోజులు చిత్రీకరణ జరుపుకోనున్న బాహుబలి 2

సినీ అభిమానులు వేయికళ్లతో ఎదురుచూస్తున్న బాహుబలి కంక్లూజన్ షూటింగ్ డిసెంబర్ 31 నాటికి కంప్లీట్ అయిందని వస్తున్న వార్తల్లో నిజం లేదని తేలింది. చిత్రీకరణ దాదాపు పూర్తి అయిన మాట వాస్తవమే కానీ యంగ్ రెబల్ స్టార్ ప్రభాస్, స్వీటీ అనుష్కలపై తీసిన సీన్లలో కొన్ని షాట్లు అవసరమైనట్టు తెలిసింది. అందుకే జనవరి లోను షూటింగ్ కొనసాగుతుందని చిత్ర బృందం వెల్లడించింది. ఈ చిత్రీకరణ నెలాఖరువరకు జరుగుతుందని వివరించింది. దీనివల్ల చిత్రం రిలీజ్ విషయంలో ఎటువంటి ఆలస్యం ఉండబోదని స్పష్టం చేసింది. వీఎఫెక్స్ నిపుణుల బృందం సీన్లకు హంగులను జోడించడంలో బిజీగా ఉందని పేర్కొంది.

దర్శకధీరుడు ఎస్.ఎస్.రాజమౌళి తెరకెక్కించిన బాహుబలి బిగినింగ్ ప్రపంచవ్యాప్తంగా 600 కోట్లు వసూల్ చేసింది. ఆ చిత్రానికి కొనసాగింపుగా వస్తున్న బాహుబలి కంక్లూజన్ వెయ్యి కోట్లను వసూలు చేయాలనీ లక్ష్యంతో జక్కన్న శ్రమిస్తున్నారు. ప్రభాస్, రానా, అనుష్క, తమన్నా, సత్యరాజ్, రమ్యకృష్ణ తదితరులు నటించిన ఈ మూవీ ఏప్రిల్ 28 న రిలీజ్ కానుంది.

Also, do SUBSCRIBE to our YouTube channel to get latest Tollywood updates.