వారి గొడవలో మహేష్ ఇరుక్కున్నాడు

సూపర్ స్టార్ మహేష్ బాబు వివాదంలో ఇరుక్కున్నారు. తన తప్పు ఏమిలేకపోయినా పెద్ద గొడవకు కేంద్ర బిందువయ్యారు. వివరాల్లోకి వెళితే.. ప్రముఖ నిర్మాణ సంస్థ పీవీపీ మహేష్ తో బ్రహ్మోత్సవం సినిమా తీసింది. ఆ సమయంలోనే ప్రిన్స్ భవిష్యత్తులో మరో సినిమా చేద్దామని నిర్మాత ప్రసాద్.వి.పొట్లూరి కి మాట ఇచ్చారు. ఆ భరోసా ఇవ్వడంతో నిర్మాత తమ ప్రొడక్షన్లో ఊపిరి తీసిన డైరక్టర్ వంశీ పైడిపల్లితో ఓ మంచి కథను సిద్ధం చేసింది. వంశీ ఊపిరి సమయంలో ఈ బ్యానర్లోనే మరో సినిమా చేస్తానని అగ్రిమెంట్ మీద సంతకాలు కూడా చేశారు. కథ ఒకే అయింది.. మహేష్ మాట ఇచ్చారు. సో మహేష్ 24 వ సినిమా తమతోనే చేస్తారని నిర్మాత ప్రసాద్ ప్రకటించారు. ఇక్కడ కథ అడ్డం తిరిగింది. తనకు చెప్పకుండా సినిమా ప్రకటించారని మహేష్ హర్ట్ అయ్యారు. సో ఆ నిర్మాతతో సినిమా చేయడంలేదని చెప్పేశారు. దీంతో డైరక్టర్ వంశీ అదే కథతో మహేష్ తో తీయడానికి నిర్మాతను మార్చారు. ఈ విషయంపై మండిపడ్డ నిర్మాత ప్రసాద్‌ వి.పొట్లూరి తెలుగు చలన చిత్ర నిర్మాతల మండలిలో  దర్శకుడు వంశీ పైడిపల్లిపై  ఫిర్యాదు చేశారు.

ఊపిరి తర్వాత తన సంస్థ పీవీపీ సినిమాలో మరో సినిమా చేసేందుకు వంశీతో ఒప్పందం కుదుర్చుకొన్నాననీ, ఇప్పుడు ఆ ఒప్పందాన్ని పక్కనపెట్టి ఆయన వేరొక నిర్మాతతో సినిమా చేసే ప్రయత్నాల్లో ఉన్నారని ఫిర్యాదులో పేర్కొన్నారు. చెన్నై హైకోర్టులో కూడా కేసు వేశారు. అక్కడి న్యాయస్థానం వేగంగా కేసుని పరిశీలించి   నిర్మాతకు అండగా నిలిచింది. వంశీ తప్పకుండా పీవీపీ బ్యానర్లో సినిమా చేయాలనీ, లేకుంటే కథతో పాటు, అందుకు అయిన ఖర్చుని చెల్లించాలని ఆర్డర్ వేసింది. ఈ గొడవలో మహేష్ ఇరుక్కున్నారు. కోర్టు ట్రయిల్ చేపడితే మహేష్ బాబు కూడా కోర్టు మెట్లు ఎక్కాల్సి ఉంటుంది. అందుకే ఆయనే ఇద్దరి మధ్య సయోధ్య కుదుర్చుతారా? లేక కోర్టుకు వెలుతారా? అని అందరూ ఎదురుచూస్తున్నారు.

Also, do SUBSCRIBE to our YouTube channel to get latest Tollywood updates.