మనసులో ఉన్నది ఉన్నట్లు మాట్లాడే నటుల్లో పవర్ స్టార్ పవన్ కళ్యాణ్ ఒకరు. ఆయనకు నచ్చినట్లు ఉంటారు. నచ్చింది చేస్తారు. కొన్ని రోజుల క్రితం ఓ ఇంటర్వ్యూ లో డబ్బులకు చాలా కష్టంగా ఉంది, అందుకే వేగంగా సినిమాలు చేయాలనుకుంటున్నాను అని పవన్ చెప్పారు. అనుకున్నదే తడువుగా మూడు సినిమాలకు ఒకే చెప్పారు. తమిళ సినిమా వీరమ్ ను తెలుగులో తీసేందుకు అంతా ఏర్పాట్లు పూర్తి చేశారు.
చివరి క్షణంలో దర్శకుడు ఎస్.జె.సూర్య ఈ ప్రాజెక్ట్ నుంచి తప్పుకోవడంతో షూటింగ్ వాయిదా పడింది. దీంతో పవన్ కష్టాల్లో పడ్డారు. ఖర్చులకు చేతిలో డబ్బులు లేక రెండు కోట్ల రూపాయల విలువ చేసే తన మెర్సిడెజ్ బెంజ్ కారును అమ్మేశాడని టాక్. నాలుగేళ్ల క్రితం పవన్ మెర్సిడెస్ బెంజ్ జి 55 మోడల్ కారును కొన్నారు. ఇందులోనే కొన్నిరోజుల క్రితం వరకు తిరిగేవారు. రామ్ చరణ్ ని పెళ్లికొడుకుగా మండపానికి తీసుకెళ్లింది ఇందులోనే. ఈ ఇబ్బందులకు కారణం సర్దార్ గబ్బర్ సింగ్ సినిమాలో నిర్మాణం భాగస్వామ్యం ఉండడమేనని ఫిలింనగర్ సమాచారం.
ఆ సినిమా నిరాశ పరచడంతో పాటు, కొత్త సినిమా పట్టాలెక్కక పోవడంతో కారు అమ్ముకున్నారని తెలిసింది. అయితే పవన్ డేట్స్ కోసం తిరిగే నిర్మాతలను అడ్వాన్స్ గా అడిగితే కోటి కన్నా ఎక్కువగా ఇస్తారని, వారి నుంచి తీసుకోవడం ఇష్టంలేక కారు అమ్మేసినట్లు పవన్ సన్నిహిత వర్గాల వారు చెప్పారు.
Home