కొన్ని సినిమాలు మొదలుపెట్టినప్పుడు ఏమనుకుంటారో ఏమో.. ఏదో కారణం వచ్చి సినిమా షూటింగ్‌ ఆగిపోతూ ఉంటుంది. అంతా ఓకే షెడ్యూల్‌ మొదలైంది అనుకోగానే.. ఆ తర్వాతి షెడ్యూల్‌కి గ్యాప్‌ చాలా నెలలే వచ్చేస్తుంది. దీనికి కారణం ఎవరు అనేది పక్కనపెడితే ఎందుకు ఆగిపోతోంది అనేది ఇక్కడ విషయం. అలా టాలీవుడ్‌లో కొన్ని సినిమాలు ఇప్పుడు సెట్స్‌ మీదున్నాయి. అందులో ఒకటి ‘గేమ్ ఛేంజర్’. అవును రామ్‌చరణ్‌ – శంకర్‌ – దిల్ రాజు సినిమా గురించే ఇదంతా.
శంకర్‌ సినిమా అంటే డేట్స్‌, బడ్జెట్‌ మన చేతిలో ఉండవు అంటుంటారు. ఆయన సినిమా తీయడం మొదలుపెడితే ఎప్పుడు పూర్తవుతుందో, ఎప్పుడు విడుదలవుతుందో చెప్పలేం. అలా ఆయన రామ్‌చరణ్‌తో ‘గేమ్ ఛేంజర్’ మొదలుపెట్టారు. ఆ తర్వాత ఆయన కొన్నాళ్లు బ్రేక్‌ ఇచ్చారు. ఇప్పుడు రామ్‌చరణ్‌ ‘ఆర్‌ఆర్‌ఆర్‌’ ఇంటర్నేషనల్‌ ప్రచారం, వ్యక్తిగత కారణాల వల్ల బ్రేక్‌ ఇస్తున్నారు. అయితే చరణ్‌ కారణం ఇప్పుడు అయిపోయింది. దీంతో సినిమా ఎప్పుడు స్టార్ట్‌ అని అడుగుతున్నారు ఫ్యాన్స్‌.
అన్నీ అనుకున్నట్లు జరిగితే (Game Changer) ‘గేమ్ ఛేంజర్’ సినిమా ఈపాటికి విడుదలైపోయుండాలి. లేదంటే సినిమా ప్రచారం జరుగుతుండాలి. కానీ 2024 సంక్రాంతికి వస్తుందని చెప్పిన మాట కూడా ఇప్పుడు నెరవేరేలా లేదు. సమ్మర్‌కైనా వస్తుందా అంటే కష్టమే అంటున్నారు. దీనంతటి కారణం అని చూస్తే.. కమల్‌ హాసన్‌తో ‘ఇండియన్‌ 2’ పనులు వేగవంతం చేశారు శంకర్‌. దీంతో ఆయన అందుబాటులో లేరు. మధ్యలో ఖాళీ దొరికితే రామ్‌చరణ్‌ లేడు. ఇప్పుడు ఇద్దరూ ఖాళీగా ఉండి.. డేట్స్‌ అడ్జస్ట్‌ అయితే షూటింగ్‌ మొదలెట్టే పరిస్థితి.
దీంతో ఇతర హీరోల సినిమాలు మొన్నీమధ్యే మొదలెట్టి లుక్‌లు, వీడియోలు ఇచ్చేస్తున్నారు. ‘గేమ్ ఛేంజర్’ నుండి ఒక పోస్టర్‌ తప్ప ఏమీ రాలేదని ఫ్యాన్స్‌ గుర్రు మీదున్నారు. మరి వారి కోపాన్ని తగ్గించేలా రామ్‌చరణ్‌ – శంకర్‌ ఏం చేస్తారో చూడాలి. త్వరలో ఏమైనా గ్లింప్స్‌ లాంటిది ఇచ్చి ఫ్యాన్స్‌ ఆకలి తీరిస్తే సరి.
అశ్విన్స్ సినిమా రివ్యూ & రేటింగ్!
ఆ హీరోయిన్లలా ఫిట్ నెస్ కంటిన్యూ చేయాలంటే కష్టమే?
తన 16 ఏళ్ళ కెరీర్లో కాజల్ రిజెక్ట్ చేసిన సినిమాల లిస్ట్..!
