ఇటీవల అల్లు అర్జున్ కి పవన్ కళ్యాణ్ ఫ్యాన్స్ కి అయిన గొడవ గురించి తెలియని వారు లేరు. పవన్ కళ్యాణ్ ఫ్యాన్స్ అందరూ “పవర్ స్టార్” అని విజయవాడలో జరిగిన “సరైనోడు” సక్సెస్ మీట్ లో అరుస్తుంటే.. “చెప్పను బ్రదర్” అన్న అల్లు అర్జున్ ని సోషల్ మీడియాలో దాదాపుగా ఆడేసుకొన్నారందరూ. ఆ తర్వాత అల్లు అర్జున్ “ఒక మనసు” ఆడియో వేదికపై దాదాపు పదిహేను నిమిషాలు మాట్లాడి మరీ ఆ విషయం గురించి క్లారిటీ ఇచ్చాడనుకోండి.
కానీ.. అల్లు అర్జున్ ను మాత్రం పవర్ స్టార్ ఫ్యాన్స్ వదిలిపెట్టలేదు. అందుకే నిన్న సింగపూర్ లో జరిగిన సైమా అవార్డ్స్ వేడుకలోనూ అల్లు అర్జున్ స్టేజ్ పై మాట్లాడుతుండగా.. “పవర్ స్టార్.. పవర్ స్టార్” అని అరవడం మొదలెట్టారు. దాంతో బన్నీకి కోపమొచ్చి.. “రుద్రమదేవి” సినిమాలోని తన ఫేమస్ డైలాగ్ అయిన “గమ్మునుండవోయ్..” అని ఆడియన్స్ ను అదిలించాడు. బన్నీ కాస్త కోపగించుకొనేసరికి అందరూ నిజంగానే “గమ్మునుండిపోయారు”!
