కాలిఫోర్నియాలో గౌతమి పుత్ర శాతకర్ణి ఫస్ట్ లుక్

లెజెండ్ నందమూరి బాలకృష్ణ కు విదేశాలలోనూ అభిమానులు ఉన్నారు. అక్కడి తెలుగు వారి కోరిక మేరకు నట సింహా వందో చిత్రం “గౌతమి పుత్ర శాతకర్ణి” ఫస్ట్ లుక్ ను అమెరికాలో రిలీజ్ చేయనున్నారు. జూన్ 10 వ తేదీన బాలయ్య బాబు పుట్టిన రోజు. అతని పుట్టిన రోజు వేడుకను ఈ సారి అమెరికాలోని కాలిఫోర్నియాలో ఘనంగా నిర్వహించేందుకు అభిమానులు ప్లాన్ చేస్తున్నారు. ఈ వేడుకకు బాలకృష్ణ హాజరవ్వడమే కాకుండా నటి హంసా నందిని తో స్టెప్పులు కూడా వేయనున్నట్లు సమాచారం.

ఈ వేదిక పైనా గౌతమి పుత్ర శాతకర్ణి ఫస్ట్ లుక్ రిలీజ్ చేయడానికి డైరక్టర్ క్రిష్ సిద్ధమవుతున్నారు. ప్రస్తుతం మొరాకోలో సినిమా షూటింగ్ జరుపుకుంటోంది. ఈ షెడ్యూలు పూర్తి అయిన వెంటనే చిత్ర బృందం సినిమా ఫస్ట్ లుక్ పై కసరత్తు చేయనుంది. ఈ లుక్ సినిమా పై అంచనాలను పెంచేలా ఉండాలని ఆశిస్తున్నారు.

రీసెంట్ గా రిలీజ్ అయిన ఎన్టీఆర్ జనతా గ్యారేజ్ సినిమా ఫస్ట్ లుక్ సోషల్ మీడియాలో రికార్డ్ సృష్టించింది. ఆ రికార్డ్ ను బాలయ్య వందో చిత్రం గౌతమి పుత్ర శాతకర్ణి ఫస్ట్ లుక్ బీట్ చేస్తుందని ఆయన అభిమానులు నమ్మకంగా చెబుతున్నారు.