Mega Updates: గిఫ్ట్‌లు రెడీ.. స్పెషల్‌ డే నాడు మెగా ఫ్యాన్స్‌కి పండగే

అందరికీ తెలిసిన, సమాచారం ఉన్న విషయాలే కానీ.. ఆయా సినిమా టీమ్‌ల నుండి క్లారిటీగా వస్తే ఇంకా బాగుంటుంది. బుధవారం నాడు రెండు సినిమాలకు సంబంధించిన వ్యక్తుల నుండి మెగా ఫ్యాన్స్‌కి రెండు గుడ్‌ న్యూస్‌లు వచ్చాయి. దీంతో వచ్చే రెండు నెలలు ఫ్యాన్స్‌కి పండగే అని చెప్పొచ్చు. ఎందుకంటే గిఫ్ట్‌లకు ముందు చిన్నపాటి టీజర్‌లు, చిరు లీక్స్‌ లాంటివి కూడా ఉంటాయి కాబట్టి. ఆ రెండు సినిమాలు ఏంటి అనే చర్చ అక్కర్లేదు ఎందుకంటే.. ఇప్పుడు సెట్స్‌ మీద ఉన్న, త్వరలో సెట్స్‌ మీద కు రానున్న సినిమాలే అవి.

Mega Updates

చిరంజీవి, బాబీ కలయికలో కేవీఎన్‌ ప్రొడక్షన్స్‌ ఓ సినిమా నిర్మిస్తోంది. అనస్వర రాజన్, నివేదా పేతురాజ్‌ కీలక పాత్రలు పోషిస్తున్న ఆ సినిమా షూటింగ్‌ ప్రస్తుతం హైదరాబాద్‌లో జరుగుతోంది. ఇందులో భాగంగా ఇటీవల చిరంజీవిపై ఓ భారీ యాక్షన్‌ సీన్‌ తెరకెక్కించారట. భారీ సంఖ్యలో ఫైటర్లు పాల్గొన్న ఈ యాక్షన్‌ సీక్వెన్స్‌కి రామ్‌ – లక్ష్మణ్‌ మాస్టర్స్‌ యాక్షన్‌ కొరియోగ్రఫీ చేశారు. చిరంజీవి ఆ సాహసోపేతమైన స్టంట్స్‌ స్వయంగా చేశారని సమాచారం. ఈ సమాచారంతోపాటే మరో న్యూస్‌ కూడా వచ్చింది.

అదే, చిరంజీవి పుట్టినరోజు సందర్భంగా ఆగస్టు 22న సినిమా టైటిల్‌ టీజర్‌ని విడుదల చేస్తారని. ఈ మేరకు దర్శకుడు బాబీ టీమ్‌ ఆ పనుల్లో బిజీగా ఉందట. ఇదిలా ఉండగా పవన్‌ కల్యాణ్ – సుజీత్‌ సినిమా ‘ఓజీ 2’ అప్‌డేట్‌ అనుకోకుండా వచ్చింది. ‘హృదయం మురళి’ సినిమా ప్రచారం కోసం అందులో నటించిన తమన్‌ హైదరాబాద్‌ వచ్చారు. అలా వచ్చిన ఆయన నుండి ‘ఓజీ 2’ అప్‌డేట్‌ కోసం ఫ్యాన్స్‌ ముచ్చటగా ఇబ్బందిపెట్టారు. దీంతో ఆయన ‘సెప్టెంబర్‌లో’ అంటూ టీజ్‌ ఇచ్చారు.

‘హృదయం మురళి’ సినిమా ట్రైలర్ లాంచ్ ఈవెంట్‌లో తమన్‌ని ఆడియన్స్ చాలాసేపు మాట్లాడనివ్వలేదు. అరుపులు ఈలలతో హోరెత్తించారు. చివరికి ‘సెప్టెంబరులో ‘ఓజీ 2’తో కలుద్దాం’ అని అంటే శాంతించారు. ఆ నెల రెండో తేదీ పవన్‌ కల్యాణ్‌ పుట్టిన రోజు కాబట్టి అప్పుడే స్పెషల్‌ వీడియో రావొచ్చు. అయితే ఈ సినిమా ఇప్పట్లో స్టార్ట్‌ అయ్యే పరిస్థితి లేదు. ఎందుకంటే పవన్‌ భుజానికి త్వరలో సర్జరీ చేయనున్నారు. అదయ్యాక, కుదురుకున్నాక కానీ ఆయన సెట్స్‌లోకి అడుగుపెట్టే పరిస్థితి లేదు.

చుట్టే… ఇద్దరి లైనప్‌ ఫుల్‌ ఫైర్‌ మచ్చా!