Godfather: యూఎస్ఏ లోనూ సత్తా చాటుతున్న గాడ్ ఫాదర్ కలెక్షన్స్?

October 10, 2022 / 08:32 PM ISTByFilmy Focus

Join Us

Godfather: యూఎస్ఏ లోనూ సత్తా చాటుతున్న గాడ్ ఫాదర్ కలెక్షన్స్?

మెగాస్టార్ చిరంజీవి విజయదశమి సందర్భంగా గాడ్ ఫాదర్ సినిమా ద్వారా ప్రేక్షకుల ముందుకు వచ్చారు. ఈ సినిమా అద్భుతమైన విజయాన్ని అందుకుంది. మలయాళం లో హిట్ అయిన లూసిఫర్ సినిమాకి రీమిక్స్ చిత్రంగా ప్రేక్షకుల ముందుకు వచ్చిన ఈ సినిమా ఎంతో మంచి విజయాన్ని సొంతం చేసుకుంది.

ఇక ఈ సినిమా మంచి విజయం కావడంతో చిత్ర బృందం హైదరాబాద్ లో సక్సెస్ మీట్ నిర్వహించి ఈ సినిమాని విజయవంతం చేసిన ప్రతి ఒక్కరికి ధన్యవాదాలు తెలియజేశారు. మరోవైపు ఈ సినిమా భారీ కలెక్షన్లను అందుకొని ఈ సినిమా విడుదలైన వారం రోజులు కూడా పూర్తికాకుండానే 100 కోట్ల క్లబ్ లోకి చేరింది. ఈ క్రమంలోనే ఈ విషయాన్ని మేకర్స్ పోస్టర్ ద్వారా తెలియజేశారు.

గాడ్ ఫాదర్ సినిమాని కొణిదెల సురేఖ ప్రొడక్షన్స్ బ్యానర్, సూపర్ గుడ్ ఫిలిమ్స్ బ్యానర్ పై రామ్ చరణ్ ఆర్ బి చౌదరి, ఎన్ వి ప్రసాద్ సంయుక్తంగా నిర్మించారు. ఇక ఈ సినిమా మొదటి వారంలోనే బ్రేక్ ఈవెంట్ సాధించి లాభాల బాటలో పయనిస్తుంది.ఇలా మొదటి వారంలోనే ఈ సినిమా 100 కోట్లను రాబట్టడంతో రెండవ వారంలో మరింత వసూలను రాబట్టే అవకాశం ఉందని నిర్మాతలు వెల్లడించారు.

ఈ సినిమా ఇండియాలోనే కాకుండా యూఎస్ఏ లో కూడా మంచి వసూళ్లను రాబడుతున్నట్టు తెలుస్తుంది. ఐదు రోజుల్లో యూఎస్ఏ లో ఈ సినిమా వన్ మిలియన్ డాలర్లను వసూలు చేసింది. ఇక ఈ విషయాన్ని కూడా మేకర్స్ అధికారికంగా వెల్లడించారు.మరో రెండు వారాల వరకు ఏ విధమైనటువంటి సినిమాలు విడుదల లేకపోవడంతో మరి కొద్ది రోజుల పాటు థియేటర్లో మెగా సందడి కనిపించని ఉందని ట్రేడ్ వర్గాల నిపుణులు తెలియజేస్తున్నారు.