సంక్రాంతి పండుగ అంటే ఓ రకంగా సినిమాల పండుగే అని చెప్పాలి. పండుగ దగ్గరికి వస్తుంది అంటే ప్రేక్షకుల చూపు అంతా ఏ సినిమాలు రిలీజ్ అవుతున్నాయా? అనే దానిపైనే ఉంటుంది. 2024 సంక్రాంతి కి 4 సినిమాలు రిలీజ్ అయ్యాయి. అవే ‘గుంటూరు కారం’ ‘హను-మాన్’ ‘సైంధవ్’ ‘నా సామి రంగ’. ఇందులో ‘సైంధవ్’ తప్ప మిగిలిన అన్ని సినిమాలు బాగానే ఆడాయి.అయితే సంక్రాంతి సినిమాలకి ప్రధానంగా థియేటర్ల సమస్య ఏర్పడుతూ ఉంటుంది.
ఈ క్రమంలో పెద్దల మధ్యనే మాటల యుద్ధం జరుగుతూ ఉంటుంది. అవి అందరికీ తెలుసు. అందుకే 2025 సంక్రాంతికి ఇలాంటి మాటల యుద్ధం జరగకూడదు అనే ఉద్దేశంతోనే ఏమో .. కానీ కొన్ని సినిమాలను ముందుగానే అనౌన్స్ చేసేశారు. ఈ లిస్ట్ చిరంజీవి ‘విశ్వంభర’ ఉంది. ‘బింబిసార’ ఫేమ్ మల్లిడి వశిష్ట్ ఈ సినిమాకి దర్శకుడు. దిల్ రాజు ఈ చిత్రాన్ని నైజాంలో విడుదల చేయడానికి రెడీ అవుతున్నట్టు వినికిడి.
దీంతో పాటు ‘శతమానం భవతి’ సీక్వెల్ ‘శతమానం భవతి నెక్స్ట్ పేజీ’ ని కూడా 2025 సంక్రాంతికే రిలీజ్ చేయడానికి ప్లాన్ చేస్తున్నట్టు ముందుగానే ప్రకటించేశారు. వీటితో పాటు అడివి శేష్ ‘గూఢచారి 2 ‘ కూడా 2025 సంక్రాంతికే రిలీజ్ చేయడానికి ప్లాన్ చేస్తున్నట్టు తెలుస్తుంది. వినయ్ కుమార్ శిరిగినీడి ఈ చిత్రానికి దర్శకుడు. ఈ మధ్యనే ఫస్ట్ షెడ్యూల్ ఫినిష్ చేసుకుంది (Goodachari2) ఈ మూవీ. ‘పీపుల్ మీడియా ఫ్యాక్టరీ’ సంస్థ ఈ చిత్రాన్ని నిర్మిస్తుంది.
‘గుంటూరు కారం’ లో ఆకట్టుకునే డైలాగులు ఇవే.!
‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!
Home