కమర్షియల్ కామెడీ డైరెక్టర్ మారుతి మొదటి సారి మాస్ హీరో గోపీచంద్ తో సినిమా చేయడానికి సిద్దమైన విషయం తెలిసిందే. కొత్త సినిమాకు సంబందించిన ఎనౌన్స్మెంట్ అలా వచ్చిందో లేదో రూమర్స్ ఒక్కసారిగా వైరల్ అవుతున్నాయి. ఈ ప్రాజెక్ట్ సెట్స్ పైకి రావడానికి ప్రభాస్ ముఖ్య కారణమని కూడా అంటున్నారు. ఆ సంగతి అటుంచితే హీరోయిన్ ఆల్ మోస్ట్ ఫిక్స్ అయినట్లు తెలుస్తోంది. మొదటిసారి హీరో డైరెక్టర్ కాంబినేషన్ కుదరుతున్నట్లే హీరోయిన్ విషయంలో కూడా నిర్మాతలు కొత్తగా ఆలోచించినట్లు సమాచారం.
ఫిదా సినిమాతో తెలుగు ఆడియెన్స్ కు బాగా దగ్గరైన హై బ్రీడ్ పిల్ల సాయి పల్లవిని హీరోయిన్ గా ఫిక్స్ చేసినట్లు తెలుస్తోంది. అందుకు సంబందించిన అనేక రకాల రూమర్స్ సోషల్ మీడియాలో ఇప్పుడు వైరల్ అవుతున్నాయి. మరి ఈ రూమర్ ఎంతవరకు నిజమో తెలియదు గాని సాయి పల్లవి నటించడానికి ఒప్పుకుందా లేదా అనే విషయం ఇంకా ఫైనల్ కాలేదు. దర్శకుడు మారుతి ఈ సినిమాను తన రెగ్యులర్ ఎంటర్టైనర్ ఫార్మాట్ లోనే తెరకెక్కిస్తూ ఒక సోషల్ మెస్సేజ్ ను కూడా ఇవ్వబోతున్నట్లు సమాచారం.
అంతే కాకుండా గోపీచంద్ స్టైల్ కు తగ్గట్లుగా యాక్షన్ ఎపిసోడ్స్ ను కూడా సెట్ చేసుకున్నట్లు సమాచారం. మరోవైపు గోపీచంద్ సంపత్ నంది దర్శకత్వంలో సీటిమార్ సినిమాని పూర్తి చేసే పనిలో బిజీగా ఉన్న విషయం తెలిసిందే.
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
