నాలుగేళ్ల తర్వాత మళ్లీ తెలుగులోకి వస్తున్న గౌతమి

టాలీవుడ్‌లో వెబ్‌సిరీస్‌ల సందడి జోరుగా సాగుతోంది. కరోనా – లాక్‌డౌన్‌ టైమ్‌లో టాలీవుడ్‌లో ప్రవేశించిన ఈ సందడి… ఇంకా కొనసాగుతూనే ఉంది. తాజాగా నిత్య మీనన్‌ ప్రధాన పాత్రలో ఓ వెబ్‌ సిరీస్‌ తెరకెక్కుతున్న విషయం తెలిసిందే. ఇందులో అవసరాల శ్రీనివాస్‌ మరో ప్రధాన పాత్రలో చేస్తున్నాడు. ఇప్పుడు ఈ సిరీస్‌ గురించి మరో ఇంట్రెస్టింగ్‌ న్యూస్‌ బయటికొచ్చింది. ఈ సిరీస్‌ ద్వారా సీనియర్‌ నటి గౌతమి ఓటీటీల్లోకి ప్రవేశిస్తున్నారట. అంతేకాదు నిత్యకు తల్లిగా నటించబోతున్నారట.

నిత్య మేనన్‌ ప్రధాన పాత్రలో గోమటేశ్‌ ఉపాధ్యాయ ఓ వెబ్‌ సిరీస్‌ తెరకెక్కిస్తున్నారు. స్వప్న దత్‌ ఈ సిరీస్‌ను నిర్మిస్తున్నారు. ఇందులోనే గౌతమి నటిస్తున్నారు. బలభద్రపాత్రుని రమణి అందించిన కథతో ఈ సిరీస్‌ తెరకెక్కుతోంది. అంతేకాదు ఇందులో గౌతమి తల్లిగా తాళ్లూరి రామేశ్వరి కనిపిస్తారట. ఇప్పటికే రెండు ఎపిసోడ్ల చిత్రీకరణ కూడా పూర్తయిందట. త్వరలో మూడో ఎపిసోడ్‌ తెరకెక్కిస్తారట. మధ్య తరగతి కుటుంబం, కష్టాలు, అనుబంధాల నేపథ్యంలో ఈ వెబ్‌ సిరీస్‌ నడుస్తుందట.

ఎనిమిది ఎపిసోడ్లగా రూపొందుతున్న ఈ వెబ్‌ సిరీస్‌ను రాజమహేంద్రవరం పరిసర ప్రాంతాల్లో తెరకెక్కిస్తున్నారట. మే, జూన్‌ కల్లా చిత్రీకరణ పూర్తి చేసుకొని సిరీస్‌ను విడుదల చేయాలని చూస్తున్నారట చిత్రబృందం. జులై, ఆగస్టులో ఈ సిరీస్‌ ఓ ప్రముఖ ఓటీటీలో ప్రసారం కానుంది.

Most Recommended Video

కాపటధారి సినిమా రివ్యూ & రేటింగ్!
దృశ్యం 2 సినిమా రివ్యూ & రేటింగ్!
ఉప్పెన సినిమా రివ్యూ & రేటింగ్!