ఎన్టీఆర్ కోసం పౌరాణిక కథ సిద్ధం చేసిన గుణశేఖర్

మహా నటుడు నందమూరి తారకరామారావు పౌరాణిక కథలతో అనేక విజయాలను సొంతం చేసుకున్నారు. అదేవిధంగా ఆయన మనవడు జూనియర్ ఎన్టీఆర్ రామాయణం మూవీ ద్వారా నటుడిగా నిరూపించుకున్నారు. చిన్న వయసులోనే రాముడిగా నటించి తాతకు తగ్గ మనవడిని చాటారు. ఆ చిత్రాన్ని డైరక్ట్ చేసిన గుణశేఖర్ ప్రస్తుతం ఎన్టీఆర్ కోసం మైథలాజికల్ స్టోరీ ని సిద్ధం చేశారు. భారీ బడ్జెట్ తో రుద్రమదేవి సినిమాని తెరకెక్కించిన గుణశేఖర్ అందరి ప్రశంసలు అందుకున్నారు. ఆర్ధికంగా ఇబ్బందులు ఎదుర్కొన్నప్పటికీ ఇప్పుడు కూడా భారీ కథతోనే వస్తానని ప్రకటించారు.

దేవతలందరినీ జయించిన హిరణ్యకశిపుడు పై కథను రాసుకున్నారు. ఈ కథలో హిరణ్యకశిపుడుగా యంగ్ టైగర్ ఎన్టీఆర్ నటింపచేయాలని భావిస్తున్నారు. తారక్ కూడా తాతా లాగ పౌరాణిక కథల్లో నటించి పేరు తెచ్చుకోవాలని ఎప్పటినుంచో అనుకుంటున్నారు. కానీ ఇప్పుడు మైథలాజికల్ సినిమాలను ప్రజలు ఆదరిస్తారా? అంతగొప్పగా సినిమాలు తీస్తారా? అనే అనుమానాలతో ఇటువంటి సబ్జెక్టు జోలికి వెళ్ళలేదు. తనను బాల హీరోగా పరిచయం చేసిన డైరక్టర్ చెప్పే స్టోరీకి ఒకే చేస్తారా? లేదా? అని అందరూ ఆసక్తిగా ఎదురు చూస్తున్నారు. గుణ శేఖర్ మాత్రం ఎన్టీఆర్ ఒప్పుకోకపోతే బన్నీ, లేకుంటే రానా తోనైనా చిత్రాన్ని రూపొందిస్తానని చెబుతున్నారు. ఆ కథ ఎవరి చెంతకు చేరుతోందో చూడాలి.

Also, do SUBSCRIBE to our YouTube channel to get latest Tollywood updates.