పవర్ స్టార్ పవన్ కళ్యాణ్ హీరోగా క్రిష్ డైరెక్షన్ లో తెరకెక్కుతున్న హరిహర వీరమల్లు సినిమాపై భారీస్థాయిలో అంచనాలు ఏర్పడ్డాయనే సంగతి తెలిసిందే. పవన్ కెరీర్ లో తొలి పాన్ ఇండియా సినిమాగా 200 కోట్ల రూపాయల బడ్జెట్ తో తెరకెక్కుతున్న ఈ సినిమాను ఈ ఏడాదే విడుదల చేయాలని మేకర్స్ భావిస్తున్నారు. అయితే ఈ సినిమాకు వింత సమస్య ఎదురైందని సమాచారం అందుతోంది. చాలాకాలం క్రితమే హరిహర వీరమల్లు ప్రాజెక్ట్ మొదలుకాగా వేర్వేరు కారణాల వల్ల ఈ సినిమా షూటింగ్ అంతకంతకూ ఆలస్యమవుతోంది.
అయితే ఈ సినిమాకు సంబంధించిన ప్రకటన వెలువడిన సమయంలోనే నిర్మాత ఎ.ఎం.రత్నం ఈ సినిమా శాటిలైట్ హక్కులను 8 కోట్ల రూపాయలకు అమ్మారని బోగట్టా. అయితే ఈ హక్కులు ఎన్ని భాషలకు సంబంధించి అమ్మారో తెలియాల్సి ఉంది. అయితే ఈ మధ్య కాలంలో శాటిలైట్ మార్కెట్ భారీస్థాయిలో పెరగడంతో పాటు ఇప్పుడు ఆ హక్కులను విక్రయించి ఉంటే 25 కోట్ల రూపాయల నుంచి 30 కోట్ల రూపాయల వరకు వచ్చేవని సమాచారం.
శాటిలైట్ డీల్ కు సంబంధించి మార్పులు జరిగేలా నిర్మాత కృషి చేస్తున్నారని ఈ విషయంలో నిర్మాత పవన్ కళ్యాణ్ సాయం కూడా కోరారని సమాచారం అందుతోంది. పవన్ కు జోడీగా నిధి అగర్వాల్ ఈ సినిమాలో నటిస్తున్నారు. నర్గీస్ ఫక్రీ, అర్జున్ రాంపాల్ ఈ సినిమాలో ఇతర కీలక పాత్రల్లో నటిస్తున్నారని సమాచారం అందుతోంది. ఇప్పటికే ఈ సినిమా షూటింగ్ 60 శాతం పూర్తైందని బోగట్టా. ఐదు ప్రధాన భాషలలో ఈ సినిమా విడుదల కానుందని తెలుస్తోంది.
పవన్ ఈ సినిమా షూటింగ్ ను పూర్తి చేసేవరకు మరో సినిమాపై దృష్టి పెట్టరని బోగట్టా. పవన్ కళ్యాణ్ కెరీర్ విషయంలో ఆచితూచి అడుగులు వేస్తున్నారు. పవన్ సుజీత్ డైరెక్షన్ లో తెరి రీమేక్ లో నటిస్తున్నారని వార్తలు వస్తున్నాయి.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
Home