నందమూరి కుటుంబంలో అందరూ కలిసి మెలిసి ఉంటారు. ఒక్క యంగ్ టైగర్ ఎన్టీఆర్ కి మాత్రం ఈ మాట వర్తించదు. కొంతకాలం క్రితం వరకు తారక్ నందమూరి కుటుంబ కార్యక్రమాల్లో కలిసేవాడు కాదు. వారంతా ఒకటి.. ఎన్టీఆర్ మరొకటిగా ఉండేవారు. కానీ ఈ మధ్య బాగా కలిసిపోయారు.
కళ్యాణ్ రామ్ హీరోగా నటిస్తూ నిర్మించిన “ఇజం” సినిమా ఆడియో రిలీజ్ వేడుక రెండు రోజుల క్రితం గ్రాండ్ గా జరిగింది. ఈ కార్యక్రమానికి హరికృష్ణతో పాటు ఎన్టీఆర్ హాజరయ్యారు. వేలాది అభిమానుల ముందు తండ్రిని తారక్ కౌగలించుకుని సీట్లో కూర్చోబెట్టి మాటల్లో మునిగి పోయారు. అంతేకాదు వేదిక మీద అన్నయ్య కళ్యాణ్ రామ్ గురించి గొప్పగా చెప్పారు. కళ్యాణ్ రామ్ సైతం తమ్ముడితో చాలా ఫ్రెండ్లీ గా మాట్లాడారు. అన్నదమ్ముల మధ్య సఖ్యత చూసి తండ్రి హరికృష్ణ మురిసిపోయారు. వీరి ముగ్గురి అనుబంధాన్ని ఒకే వేదికపై చూసేందుకు నందమూరి అభిమానులు రెండు కళ్లు సరిపోలేదు.
